Full resolution (JPEG) - On this page / på denna sida - Biskop Wexelsen
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
153
Då Skaar døydde, vart Wexelsen utnemnd til
Nidaros-bisp, i sjølvaste 1905. Det var Chr. Michelsen som
utnemnde han. Kyrkjeministeren Chr. Knudsen
«innstilte av formelle grunner» Christen Brun, som hadde
fenge flest røyster; men han gjekk med på utnemningi av
Wexelsen, og fekk høyra ille for det.
Wexelsen var trønder. Han hadde havt si
preste-tenesta i Trøndelag: kapellan i Sparbu, sokneprest i
Kolvareid og i Overhalla.
Varm og ljos forkynnar av sterk apostolisk kristendom
vann han kyrkjelydane heilt. Dei var glade i Wexelsen.
Morosamt er det fortalt at han kom att og heldt politisk
foredrag i Kolvareid. Dei gret sume då dei fekk høyra
mælet hans: «Høyrer du ikkje det velsigna målet!» sa
dei, jamvel um dei ikkje høyrde kva han sa.
At Wexelsen tidleg kom med i politikken, fall naturleg,
vidsynt og klårtenkt som han var, varmhuga kristen og
varmhuga norskdoms-mann. Hans administrasjon var
framifrå, det viste seg både i kommunestyret og i
riksstyre.
Fleire år var han skuledirektør i Nidaros bispedøme.
Skulane åtte stort rom i hugen hans, både folkeskulane og
folkehøgskulane.
Han kjende trønderne som få andre. Han hadde alle
vilkår for å verta ein god trønder-bisp. Men ikkje mange
av prestane røysta på han. Han fekk berre 12 røyster.
Politikken skapte mothug mot han. Men prestane burde
ha håtta på det grunnleggjande gagns arbeid Wexelsen
hadde gjort for den norske kyrkja i Storting og i riksstyre:
Wexelsen autorisera Blix-salmane til kyrkjebruk. Wexelsen
skipa faste 17. mai-gudstenester, olsok-gudstenester og
haust-takkefest i kyrkjene, og han valde ut tekster til dei
alle. Wexelsen skipa ungdomsprest-embetet for bonde-
<< prev. page << föreg. sida << >> nästa sida >> next page >>
