Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Bay.1 Han stappa meg med kolerakakor og
Kongen av Danmarks brystsukker og alt som
godt var av mat og drykk, og i hagen hans ut
mot strondi fekk eg tumle meg som eg vilde.
Det store brune tvohøgds trehuse ligg der
enno som den gongen. Ofte tek eg meg ein tur
derut, når eg er på reise til Øysterdalen um
sumaren.
Høiensalsodden vert no kalla Sterudodden,
men elles er mykje i den delen av byen enno
som i mi tid. Den herlege strondi utanfor
futegarden er ubygd og utsyne yvi Mjøsa det same
herlege som for 60 år sidan, og ytst i
Skappel-gata ligg enno "Bergersgaarden" som far min i
si tid åtte. (Seinare vart det "Brocksgaarden".)
Og nesten vegg i vegg med den ligg huse der
Gløersen hadde skulen sin, der eg gjekk i fem år.
Far var den fyrste sakførar på Hamar, og ei
tid den einaste; han hadde kontore sitt i
"Bergersgaarden", og budde der ogso stundom. Det var
der han reid "Rauen", den namnspurde hesten
sin inn i stova ein gong. Stallen, hovudbygningen
og den gamle vedskålen stend enno som i hans
tid. Likeso den vesle hagen med flaggstongi og
syrinlysthuse på hyrne ut mot Storhamarvegen.
1 Bay var flutt inn til Hamar frå Arstad i Stange same dagen
som byen vart eigen kommune 12. 10. 49. Han var fyrr
prokurator i Elvrom.
29
<< prev. page << föreg. sida << >> nästa sida >> next page >>
