Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
quolibet actum, gestum seu factum fuerit aut
quomodo-libet ordinatum.
XX. De unione principatuum electorum et jurium eis
connexorum. — Cum universi et singuli principatus,
quorum virtute seculares principes electores jus et vocem in
electione regis Romanorum in cesarem promovendi
obtinere noscuntur, cum jure hujusmodi necnon officiis,
dignitatibus et juribus aliis, eis et cuilibet eorum annexis et
dependentibus ab eisdem, adeo conjuncti et inseparabiliter
sint uniti, quod jus, vox, officium et dignitas, alia quoque
jura ad quemlibet principatuum eorundem spectantia cadere
non possint in alium preter illum, qui principatum ipsum
cum terra, vasallagiis, feudis et dominiis ac ejus
pertinen-tiis universis dinoscitur possidere, presenti edicto imperiali
perpetuo valituro sanccimus, unumquemque principatuum
predictorum cum jure et voce electionis ac officio
ceteris-que omnibus dignitatibus, juribus et pertinentiis ad ipsum
spectantibus ita perseverare et esse debere unitum
perpetuis temporibus indivisibiliter et conjunctum, quod
pros-sessor principatus cujuslibet eciam juris, vocis, officii et
dignitatis et pertinentiarum omnium ad illum spectantium
quieta debeat et libera possessione gaudere ac princeps
elector ab omnibus reputari, ipseque et nemo alius per
ceteros principes electores ad electionem et omnes actus
alios pro sacri imperii honore vel oportunitate gerendos
omni tempore assumi sine contradictione qualibet et
admitti, nec aliquod premissorum ab altero, cum sint et esse
debeant inseparabilia, dividi vel ullo tempore debeat
separari aut in judicio vel extra divisim repeti valeat aut
evinci vel eciam per sententiam separari, nec aliquis
unum sine alio impetens audiatur. Quod si per errorem
vel alias auditus quis fuerit, aut processus, judicium,
sententia vel aliquid hujuscemodi contra presentem
dispositionem nostram emanaverit seu quomodolibet attemptari
contigerit, hoc totum et omnia ex hiis et quolibet eorum
sequentia eo ipso viribus non subsistant.
<< prev. page << föreg. sida << >> nästa sida >> next page >>
