Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
scant, expugnem unanimiter; non munerum inlectione
decipi, aut parentum seu proximorum affinitate ulla ratione
moveri, quominus exorbiter a tramite rectitudinis.
Contra illos autem, qui huiusmodi sancita transgredi ausi
fuerint, totis viribus venire promitto, nec ullo cedere modo,
quousque praevaricatoris revincatur suasio.
Haec super reliquiis protomartyvis Christi Stephani protestatus,
ceteros, ut idem agerent, postea hortatur; qui unanimi corde
obaudientes, universos, uti praemisimus, a quinto decimo anno et supra
parochi-ales et comprovinciales per singula episcopia communefacientes, eadem
subtitulant corroboratione. Quorum timor tremorque adeo infidelium
corda pertrivit, ut multitudo inermis vulgi quasi ai’matorum acies
pavescerentur ab illis; atque ita eorum cor emarcuerat, ut obliti militiae,
humiles agrestes, ac si potentissimorum regum, relictis oppidis,
fugerent cohortes.
b) Ärkebiskopsdekret i Auch. — Omkp. 1140.
Guillelmus, Dei gratia Auscitanus archiepiscopus,
sedis apostolicae legatus, carissimis in Christo fratribus,
venerabilibus episcopis aliisque ecclesiarum praelatis, et
dilectis filiis, comitibus, vicecomitibus, aliisque
baronibus, universo quoque clero et populo per Auscitanam
provinciam constituto, salutem et benedictionem.
Cum ex officii nostri debito teneamur universis
fidelibus curae nostrae commissis salubri dispositione
providere, nunc praesertim, urgente apostolici mandati
auctoritate, ad quem spectat totius populi profectibus
invigilare, oportet nos super bono pacis et treugae Dei
subditis nostris propensiorem curam impendere. Inde est, quod,
iuxta statuta generalis consilii Romae nuper celebrati,
pacem et treugam Dei in provincia nostra, ex parte Dei
et domini papae et nostra, ab omnibus inconcusse et
inviolabiliter praecipimus observari. Forma pacis et
treugae Dei talis est:
1. Treugas a quarta feria post occasum solis usque
ad secundam feriam post ortum solis, et ab adventu
Domini usque ad octavas epiphaniae, et a septuagesima
usque ad octavas paschae, ab omnibus inviolabiliter
observari praecipimus. Si quis autem treugam violare tenta-
<< prev. page << föreg. sida << >> nästa sida >> next page >>
