Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
tur summo desiderio votum peregrinationis nostrae ad
Sancte Terre subventionem totis viribus amplectimur,
idcirco consilio Altissimi ordinare decrevimus, qualiter in
absentia nostra regni negotia, quae agenda erunt,
tractari debeant, et vitae nostrae, si quid in via humanitus
accideret, extrema disponi:
1. In primis igitur precipimus, ut baillivi nostri
per singulos prepositos in potestatibus nostris ponant
quatuor homines prudentes, legitimos et boni testimonii,
sine quorum, vel duorum ex eis ad minus, consilio,
negotia ville non tractentur, excepto quod Parisius sex
homines probos et legitimos constituimus, quorum nomina
sunt hec: T. A. E. R. B. N.
2. Et in terris nostris, que propriis nominibus
distincte sunt, baillivos nostros posuimus, qui in
bailli-viis suis singulis mensibus ponent unum diem, qui dicitur
assisia, in quo omnes illi, qui clamorem facient, recipient
jus suum per eos et justitiam sine dilatione, et nos nostra
jura et nostram justitiam; et forefacta, que proprie nostra
sunt, ibi scribentur.
3. Preterea volumus et precipimus, ut carissima
mater nostra A[dela] regina statuat cum carissimo
avunculo nostro et fideli Guillelmo Remensi archiepiscopo,
singulis quatuor mensibus, unum diem Parisius, in quo
audiant clamores hominum regni nostri et ibi eos finiant
ad honorem Dei et utilitatem regni.
4. Precipimus insuper, ut eo die sint ante ipsos
de singulis villis nostris et baillivi nostri, qui assisias
tenebunt, ut coram eis recitent negotia terre nostre.
5. Si autem aliquis de baillivis nostris deliquerit,
preterquam in murtro vel raptu vel homicidio vel
proditione, et hoc constabit archiepiscopo et regine et aliis,
qui aderunt, ut audiant forefacta baillivorum nostrorum,
precipimus eis, ut nobis singulis annis, et hoc ter in anno,
litteris suis nobis duobus [diebus] predictis significent, quis
baillivus deliquerit, et quid fecerit, et quid acceperit, et
<< prev. page << föreg. sida << >> nästa sida >> next page >>
