Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Ausculta, fili carissime, praecepta patris et ad
doctrinam magistri, qui gerit illius vices in terris, qui
solus est magister et dominus, aurem tui cordis
inclina, viscerosae sanctae matris ecclesiae ammonitionem
libenter excipe et cura efficaciter adimplere [, ut in corde
contrito ad Deum reverenter redeas, a quo per
desidiam, vel depravatus consilio, nosceris recessisse, ac ejus
et nostris beneplacitis te devote conformes]. Ad te
igitur sermo noster dirigitur, tibi paternus amor
exprimitur, et dulcia matris ubera exponuntur. Campum
siquidem militiae humanae ingressus, renatus sacri fonte
baptismatis, renuntians diabolo et pompis ejus, non quasi
hospes et advena, sed jam domesticus fidei et civis
sanctorum effectus, ovile dominicum entrasti, colluctaturus
non solum contra carnem et sanguinem, sed etiam contra
aereas potestates mundique rectores praesentium
tenebrarum. Sic veri Noe es arcam ingressus, extra quam
nemo salvatur, catholicam scilicet ecclesiam, veram
columbam, immaculatam unici Christi sponsam, in qua
Christi vicarius Petrique successor primatum noscitur
obtinere, qui sibi collatis clavibus regni coelorum judex a
Deo vivorum et mortalium constitutus agnoscitur, ad
quem sedentem in solio judicii dissipare pertinet suo
intuitu omne malum. Hujus profecto sponsae, quae de
coelo descendit, a Deo parata sicut sponsa ornata viro
suo, Romanus pontifex caput exsistit. Nec habet plura
capita monstruosa, cum sit sine macula, sine ruga, nec
habens aliquod inhonestum.
[Sane, fili, cur ista dixerimus, imminente
necessitate ac urgente conscientia expressius aperimus.
Constituit enim nos Deus, licet insufficientibus meritis, super
reges et regna, imposito nobis jugo apostolicae servitutis,
ad evellendum, destruendum, disperdendum, dissipandum,
aedificandum atque plantandum sub ejus nomine et
doctrina, et ut, gregem pascentes dominicum, consolidemus
infirma, sanemus aegrota, alligemus fracta et reducamus
abjecta, vinumque infundamus et oleum vulneribus sau-
<< prev. page << föreg. sida << >> nästa sida >> next page >>
