Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
cium, praedicentes aperte nos gravius contra eos
spiritu-aliter et temporaliter processuros, prout expedire
viderimus; praesertim cum rex ipse oblatum, per te
impendendum, sibi absolutionis beneficium juxta formam ecclesiae
auctoritate nostra recipere contempserit; ex quo videtur
(quod dolentes referimus) in sua malitia induratus. Quare
sibi eadem auctoritate praecipias et injungas, ut quicquid
fecit, mandavit, ordinavit et statuit ad impedimentum
adeuntium ad dominicam sedem vel redeuntium ab eadem,
revocare procuret et efficaciter corrigat et emendet.
Praesentium autem litterarum nostrarum tenorem deducas ad
praefati regis notitiam et in locis, de quibus expedire
videris, seu provinciis facias solemniter publicari, ne quis
per ignorantiam de contentis in ipsis litteris se valeat
excusare, quod ad ejus notitiam non pervenerit, quod tam
solemniter fuerit publicatum.
Ceterum fratri Nicolao ordinis praedicatorum, olim
confessori regis ejusdem, ex parte nostra districte
praecipias, ut infra trium mensium spatium hujusmodi
praeceptum immediate sequentium, quod sibi pro peremptorio
termino studeas assignare, personaliter nostro se conspectui
repraesentet, recepturus pro meritis, aut suam, si poterit,
innocentiam ostensurus ac pariturus nostris beneplacitis
ac mandatis; alioquin contra eum spiritualiter et
temporaliter, prout expedire viderimus, procedemus.
Datum Laterani idibus aprilis, pontificatus nostri
anno nono.
XVII. Filip iv. — Fullmakt till anordningar tor
allmänt kyrkomöte. — Paris, 1 juli 1303.
Philippus Dei gratia Francorum rex, universis
praesentes litteras inspecturis, salutem. Etsi catholicae fidei
et universalis ecclesiae, matris fidelium, sponsae Christi,
negotium cunctos, quos ejusdem participatio fidei et religio
christiana complectitur, principaliter et immediate
contingat ac proprium interesse respiciat singulorum; nos tamen
<< prev. page << föreg. sida << >> nästa sida >> next page >>
