Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
videlicet evidens necessitas defensionis; que non est
necessitas absoluta, sicut solem oriri cras est necessarium,
sed necessitas conditionalis, sicut nutrimentum
necessarium est animali, sub conditione, si salvari et vivere
debet animal; ut in quinto Analyticorum, capitulo de
necessario.
124. Petere ergo et capere potest ac debet dominus
rex de bonis ecclesiarum ob defensionem regni tunc
demum, si bona sua, bannium et retrobannium ad
commodam defensionem non sufficiant. Sed ponamus, quod ad
hanc defensionem sufficerent centum milia marcharum
argenti, et ipse cepit ducenta milia; numquid ei licet sine
peccato mortali? Constat, quod non. Nam, prout
concordant et in hoc communicant omnes sciencie, cessante
causa cessat effectus.
Sicut ergo, hac causa capiendi totaliter cessante,
dominus rex nichil potest capere, nisi simpliciter velit
rapere et auferre, eadem ratione, si non eget nisi de
centum milibus marcharum argenti vel auri, si plus capiat,
tunc, quantum plus capiet, rapiet et auferet falso verbo
vel facto, quod idem est, asserens subesse, cum non
subsit, capiendi causam. Si ergo hoc facit ex certa sciencia
dominus rex, mendax est et per mendacium (quod absit),
Deum negans, efficitur filius dyaboli, qui est pater
mendacii, et omnes mendaces filii ejus; ut hec per multas
sacras scripturas probantur, maxime in epistola ad
Titum: Quatuor modis corrumpitur judicium, cum capitulis
sequentibus. Quod autem in exigendo ultra necessitatem
sit peccatum mortale nunquam remittendum, nisi
restituatur exactum ultra necessitatem, patet omnibus fidem
catholicam tenentibus; quod si est verum in toto, quod
exigitur, ergo et in parte; nam, secundum quod in lege
civili cavetur, eadem est ratio totius ad totum et partis
ad partem. — — —
<< prev. page << föreg. sida << >> nästa sida >> next page >>
