Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
peribus vel afflictis compassionem, sacerdotibus
praeci-pueque episcopis reverentiam et oboedientiam quasi
patribus procuretis impendere; nec non et decimas, quae ad
usum tara ipsorum quam ecclesiarum et pauperum
proficiant, dare totique regno indicere. Quod quidem nulli
debet grave videri: pro meliori parte, videlicet semper
victura anima, quemque decimam Deo offerre; cum pro
morituro corpore plurimae gentes coniugibus suis tertiam
rerum legibus compellantur exolvere. Preterea ad hoc
summis animi viribus enitimini, ut, qui velut in fine orbis
ita et saeculorum ad laborandum in vineam dominicam
introistis, inter primos remunerandi, eumdem denarium,
horae undecimae operatores, percipere debeatis. Agite
etiam, ut, quemadmodum de praedecessoris vestri
laudabili fama valde sumus gavisi, ita quoque studiorum
probitatumque vestrarum opinio nos de se, sicut optamus,
letificet. Quia vero, noviter ad Christum conversos,
nondum Christianae fidei et religionis doctrinam sufficienter
vos sumpsisse putamus, volumus, ut frequenter ad hanc
sedem clericos vestros mittatis, talesque personas
provideatis ad nos destinare, quae et sanctae Romanae
ecclesiae moribus plenius instrui et instructi valeant ad vos
docte salubriterque, quae sunt agenda, referre.
II. Anastasius iv. — Stadfästelse af legatstatut
# för svenska kyrkan. — Rom, 18 nov. 1154.
Anastasius episcopus, seruus seruorum Dei, carissimis
in Christo filiis S. regi et vniuersis proceribus Swechie,
salutem et apostolicam benedictionem. Inter cetera, in
quibus diuina pietas ministerium sacrosancte Romane, cui
auctore Deo presidemus, ecclesie honorificare dignatur,
nichil est, propter quod in graciarum accionem et creatoris
laudem nostra mens propensius excitetur, quam si per nos
aut fratres nostros ecclesie sue terminos dilatari concedat,
et diuini semen eloquii per prouisionem sedis apostolice
gratum sibi donet fructum afferre. Quod nimirum quia
<< prev. page << föreg. sida << >> nästa sida >> next page >>
