Full resolution (JPEG) - On this page / på denna sida - «Mål-prest»
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
125
Ungdoms-stemnene samla i ti-tusenvis av ungdomar.
Det var ein fest å tala for dei.
På Kongsvinger vart det uppstyr. Høgre-redaktøren
vilde truga kyrkjetilsynet til å nekta oss kyrkja. Då ikkje
det lukkast, vilde han truga folk til å ikkje gå i kyrkja.
Det mislukkast; kyrkja var fullsett, og kyrkjelyden sat
roleg og lydde. Til friluftsmøtet um ettermiddagen
hadde han og hjelparane hans beint fram leigt nokre
menneske til å halda ståk ved mitt foredrag. Men dei
tok i miss, skråla medan ein annan talar heldt foredrag
(på riksmål!). Då ingen brydde seg um det, slutta dei,
og gjekk sin veg. Då eg fekk ordet, var det stilt! Men
fleire hotell nekta å hysa meg, so det var med naud at
lags-formannen fekk hus åt meg for notti!
Same dagen var det 100 år sidan morfar A.
Wessel-Berg var fødd. Han var son av J. Chr. Berg som i 1814
stod saman med Nic. Wergeland. Morfar stod saman med
Henrik Wergeland i «Dæmringsfeiden». Eg la krans på
gravi hans og skreiv minne-ord um han i eit Vinger-blad.
Og so vitja eg sorenskrivar-garden Langeland, min
barndoms paradis! Heile den sundagen er verd å minnast.
#
I Eidanger nekta kyrkjetilsynet kyrkja til
ungdomsstemna, med 2 røyster mot 1, soknepresten røysta ja.
Ungdomen i Eidanger skipa til ei friluftsgudstenesta
som visst er noko eine-ståande: der var både altarbord,
bøneskammel og preikestol, hornmusikk gjorde tenesta
i staden for kyrkjeorga; klokkaren bad inngangs-bøni:
Herre, eg er komen inn i denne store herlege kyrkja
di! eg messa, og kyrkjesvari kom fleir-mælt! Soli lyste frå
blå himmel. Det var ei fest-stund.
<< prev. page << föreg. sida << >> nästa sida >> next page >>
