Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Eg hefði ekki klerkinn frá kaupmanni þekt,
ef »kjóllinn« ei leiðbeindi mér;
Af bragðvísri hagfræði blendingur var
og bókviti hugsun hans hver. —
Eg settist hjá honum, við tókum svo tal,
og tíminn rann liðugar þá,
Því hvenær sem fundumst, hann fagnaði mér
sem feginn mig yrði’ hann að sjá.
Þó skemtun mér væri að viðræðu hans,
þess varist ei altént eg gat
Að finna, að hver sköruleg hugsjón var heft,
að hálfkrept öll viðkvæmnin sat;
Að alt var sem gufa, með guðfræðisþef
af góðmeti ársins sem leið,
Frá háborði andans, tóm yfirlitsrit
í útþynning — leifar og sneið.
Við fundum — þó sjaldan við sættumst á eitt
og samræðan oft væri stíf —
Að við höfðum þó orðið samferða samt
um samtímans stefnur og líf.
— Og hugðnæmur andi þinn ósjálfrátt dregst
að umræðu samferða-manns,
Sem fæðingarsveit þína ferðaðist um,
þó frábreytt sé lýsingin hans.
Við hlógum og ræddum svo leiknir og létt
um lífið, um alt nema — trú:
Það læddist fram smámsaman hóglát og hljóð
í huga minn ályktun sú:
<< prev. page << föreg. sida << >> nästa sida >> next page >>
