Full resolution (TIFF) - On this page / på denna sida - Bandamanna saga
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
spurðust almæltra tíðenda. Óspakr mælti: „Á
þá leið er, Oddr, at góð frétt ferr um yðvart
ráð; ertu mjök lofaðr af mönnum ok allir
þykkjast þeir vel komnir er með þér eru. Nú vænti
ek at mér muni svá gefast; vilda ek hingat
ráðast til þín“. Oddr svarar: „Ekki ertu mjök
lofaðr af mönnum, ok eigi ertu vinsæll, ok
þykkir þú hafa brögð undir brúnum, svá sem þú
ert ættborinn til“. Óspakr svarar: „Haf við raun
þína, enn eigi sögn annarra, því að fátt er
betr látit, enn efni eru til; beiði ek þik ekki
forlags; vilda ek hafa hús þín, enn fæða mik
sjálfr, ok sjá þá hversu þér gezt at“. Oddr
svarar: „Miklir eru þér frændr borði ok
torsóttir, ef yðr býðr við at horfa; enn við þat,
er þú skorar á mik til viðtöku, þá megu vit á
þat hætta vetrlangt“. Óspakr tekr þat með
þökkum; ferr um haustit á Mel með feng sinn;
gerist brátt hollr Oddi; sýslar vel um búit ok
vinnr sem tveir aðrir. Oddi líkar vel við hann;
líða þau missari. Ok er várar, býðr Oddr honum
heima at vera, ok kveðst svá betr þykkja.
Hann vill nú ok þat; annast Óspakr um búit,
ok ferr þat stórvel fram; þykkir mönnum mikils
um vert, hversu þessi maðr gefst. Hann er
ok vinsæll sjálfr, ok stendr nú búit með
miklum blóma, ok þykkir einskis manns ráð
virðulegra vera enn Odds. Einn hlut þykkir
mönnum at skorta, at eigi sé ráð hans með allri
<< prev. page << föreg. sida << >> nästa sida >> next page >>
