- Project Runeberg -  Bandamanna saga /
6

(1901) Author: Valdimar Ásmundsson
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (TIFF) - On this page / på denna sida - Bandamanna saga

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

sæmd, at hann er maðr goðorðslauss. Var þat
þá mikill siðr, at taka upp ný goðorð eða kaupa.
Ok nú gerði hann svá; söfnuðust honum skjótt
þingmenn; váru allir til hans fúsir, ok er nú
kyrt um hríð.

4. Oddi hugnar vel við Óspak; lét hann
mjök ráða fyrir búinu. Hann er bæði hagvirkr
ok mikilvirkr ok þarfr búinu. Líðr af
vetrinn; ok hugnar Oddi nú betr við Óspak enn
fyrr; því at nú hefst hann at fleira. Á
haustum heimtir hann fé af fjalli ok urðu
góðar heimtur. Oddr var fésælli hverjum
manni. Óspakr átti ok nökkut fé, ok
var hann ok hugall at því, at missa
einskis sauðar. Líðr nú af vetrinn ok várar;
lýsir Oddr því, at hann ætlar utan um sumarit,
ok segir, at Váli frændi hans skal taka þar við
búi. Váli svarar: „Þat er ofráð, þótt nú flytist
vel fram, er þú ert sjálfr við, frændi, ok vil
ek fara með þér“. Oddr spyrr nú at Óspak, ok
beiðir hann taka við búinu. Óspakr segir:
„Ekki hefi ek vit til þess, at vera fyrir
slíkum stóreignum“. Oddr sækir nú eftir, enn Óspakr
ferr undan ok er þó óðfúsi til, ok þar kemr
at hann víkr til ráða Odds, ef hann heitr
honum sinni ásjá ok trausti. Oddr segir, at hann
skal svá fara með hans eign, sem hann verðr
mestr maðr af og vinsælastr; sagðist þat reynt
hafa, at hann vildi ok kynni bezt hans fé at

<< prev. page << föreg. sida <<     >> nästa sida >> next page >>


Project Runeberg, Mon May 25 23:04:50 2020 (www-data) (download) << Previous Next >>
http://runeberg.org/asmbmsaga/0012.html

Valid HTML 4.0! All our files are DRM-free