Full resolution (TIFF) - On this page / på denna sida - Bandamanna saga
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
mál váru dæmd, sum búin til reifingar. Ófeigr
segir: „Munu þér leyfa mér at ganga í dóminn?“
Þat var honum veitt, ok settist hann
niðr ok mælti: „Hvat ferr fram um málit Odds?
Hvárt er Óspakr sekr?“ Þeir svöruðu ok sögðu
at hann var eigi sekr. Ófeigr spurði: „Hví
gegnir þat?“ Þóttu eigi sakir til vera; drap
hann eigi Vála, enn stal áðr?“ Þeir svöruðu:
„Engi þrætir þess, ok eigi er af því svá orðit,
at mönnum þykki þannig betr, heldr váru spjöll
á málinu, ok var rangt tilbúit“. Ófeigr segir:
„Hvat spjöllum var þat er meira er vert enn
sakir þessar? Hvárt hafi þér unnit eiðana?“
Þeir sögðu at unnir væri. „Svá mun vera,
eða hversu unnú þér eiðana? Eigi svána: ’at
ek vinn eið at bók, sem ek veit réttast ok
sannast ok helzt at lögum?’ Svá munu þér
mælt hafa. Eða hvat er sannara eða réttara,
enn dæma enn versta mann útlaga, ok án allri
björg, þann er til þess hefir gert. Enn —
’helzt at lögum’, svá munu þér mælt hafa. Þat
bagir helzt nökkut við. Enn hyggið at, hvárt
meira er vert, þetta eitt orðit, er at fellr
eiðstafnum, eða hin tvau. Enn svá mundi mér
sýnast, sem ráðlegra væri, að taka þann
kostinn, er bæði væri at vel sæmdi fyrir guði ok
mönnum. Enn þá er þat sýnzt, ef þér gerið
svá, at vinna þá eiðana, er góðir eru, ok dæma
þar eftir þeim áfallið, er til þess hefir gert.
<< prev. page << föreg. sida << >> nästa sida >> next page >>
