- Project Runeberg -  Bandamanna saga /
35

(1901) Author: Valdimar Ásmundsson
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (TIFF) - On this page / på denna sida - Bandamanna saga

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

sættina“. Egill segir: „Hvárt viltu segja upp
gerðina eða sitja fyrir svörum?“ „Nei“, kvað
hann Gellir, „heldr vil ek segja upp sættina,
enn þú sit fyrir svörunum“. Ganga (þeir) at
fram þar er þeir sátu. Hermundr stóð upp ok
mælti: „Hlýðum til ósómans“. Þá mælti Gellir:
„Þat er gerð okkur Egils, á hendr Oddi,
at vit gerum þrettán aura“. Hermundr segir:
„Hvárt skildist mér rétt, at þú gerðir þrettán
aura“. „Nei“, segir Egill, „eigi var þat nú at
þú sætir á hlustinni er þú stóðt upp, þrettán
aura þeirra er engum óvesalla manna væri
viðtækir eða í gjöld mælt, baugabrot og
harkagripir“. Þá segir Hermundr: „Sviknir erum
vér nú“. Egill segir: „Telst þú svikinn“. „Já“,
segir hann, „svikinn teljumst ek, ok hefir þú
svikit mik, svikarinn“. Egill segir: „Þat geri
ek svá at mér þykki bezt, at svíkja þann er
engum trúir; þú trúir engum manni; eigi
trúir þú vinum þínum né frændum, börnum né
konum, ok eigi trúir þú sjálfum þér. Því
trúir þú eigi þér, at þú fórt í þoku svá mikilli
at fela fé, at eigi veiztu heldr enn aðrir hvar
þat er nú komit. Enn þótt þér ljái nú
annarshugar, ok vilir þú nú féit hafa, þá muntu
nú eigi finna“. Hermundr svarar: „Þetta er
lygi þín sem mörg önnur; þú lýgr ávalt. Fyrra
vetr bauð ek þér ór hrakbúinu ok yðr sjau
saman; váruð þér þá á Gilsbakka, ok er þú

<< prev. page << föreg. sida <<     >> nästa sida >> next page >>


Project Runeberg, Mon May 25 23:04:50 2020 (www-data) (download) << Previous Next >>
http://runeberg.org/asmbmsaga/0041.html

Valid HTML 4.0! All our files are DRM-free