Full resolution (TIFF) - On this page / på denna sida - Bandamanna-Saga
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
kemr hann til domſíní en þa uoru flockar a burtt farner ok heim tíl buda ok
grunadí aungan mann um þetta þeir hallda malínu fram ok gera oſpak ſekan ok
fara heim til buda ok lidr aſ nottín ok um mỏrgenen ganga þeir tíl laugbergí ok
ſtendr oddr upp ok mælti ſa madr uard ſekr i nỏt í nordlendínga domi er oſpakr
5 heiter ok ſeger til ſektar marka ꜳ̋ honum ok ſỏr um þat ſkoruligum ordum Nu
þiker monnum undarliga ſkípaz hafa tekr hann til orda ſtyrmer ok mælti heyrer
þu þorarin huat mælt er hann ſeger heyri ek ſtyrmer ſeger nu erom uær uid
braugd komner ok hafa her nockurrer ſnotrer menn um uællt med honum ſuo er
þat ſeger þorarín ok er þo nockur i eid hialpin huer er ſu ſeger hann ſtyrmer
10 þorarin ſeger þeir hafa borít fe i dom ok er þat ſauk uid þa er giort hafa ok til
hafa ſengit ſtyrmer ſeger þa er uænnt um eſ uær ſkulum rettaz pat mun eckí ſuo
brat lida munu þeſer xíí manader adr er nu r[7a]ad at hitta uíne ſína ok ſræ̋ndr ok
ganga heim til buda ok heimtaz a híal þeſer menn þar uar eín ſtyrmer íí þorarin
ííí hermundr íííí iarnſkeggí ſra þuer ꜳ ſon einars eyíolfſ ſonar u ſkeebroddi ꜹſtan
15 ỏr uỏpna firdi ui geller þorkelſ ſon fra helga felli uíí eígíll fra borg ſkula ſon uííi
þorgeir halldoru ſon ỏr laugar dal þeſser uííí menn ganga a tal ok uoru tengder
allra a millí frendſemi eda mæ̋gder þeir gera nu rad ſít med ſỏrtꜹlum ok a ecgían
þeira ſtyrmis ok þoraríns ok ſꜹrgu þeire er þeír letu at eigi uæri ſynt at ſu ſe
uonín mundi ſirer er iaſn micil mundi uera ſem komazt at ꜹdnum odz þeir uoru
20 ſumer i þui mali er fe litler uoru ok þỏttuz þurfa fiarínſ ſumer þeir er þo uilldu
ſeit þott mikít ætte adr en þottí ſaukín bryn er fe odz hefer tíl farít luka suo
malíno at þeir ganga i band hꜹfþingíarner at ueitaz ſuo at her ſkylldi firer koma
anat huort ſekter eda ſialſ dæmi þessu er leynt a þuí þingi ok íara menn heim
aſ þingi ok heſer oddr aſ virding malonum ok lida miſserín nu ridr oddr opt til
25 laugar ok hitter faudr ſin ok batnar frændſemín med þeim ok um uorít eít ſín er
þetr fedgar funduz mælti ofeigr huat hefer þu tidenda ſpurt Oddr hann ſuarar
ecki heſi eg frett ſpurt hefi ek ſeger oſeigr at þeír ſtyrmer ok þorarinn samna
lídí ok ætla hingad ſteſnu ſor a hendr þer um pat er fe þit for i dom fyra ſumar
Oddr ſeger ecki þíckí mer ofrefli at ganga i mot þeim badum oſeigr ſuarar meíra
30 mun þer a þíckía lígia marger ero i malíno uaſder med þeim ok nefndí mennína
Oddr þagnadi ofeigr ſpurdí huert er nu radít til oddr ſeger ſara til þingſ ok
krefia hỏſþíngia lidſ ok gefa þeim ſe tit oſeígr ſuarar eckí ſynízt mer pat rad
mun þar eíngí til uerda at ueíta þer í mott þessum hỏſþingium ok engi hefer ok
faung til ſyníz mer rad til annat at þu buer ſkíp þitt þat er þer uel hennt buz
35 um þingít ok hallt i burt leíta til annara landa en þat mattu [7a] at lata koma i
hendr mer fe nockut eſ þer þicker þat eigi uerr komít en hít er þeir taca Oddr
<< prev. page << föreg. sida << >> nästa sida >> next page >>
