Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
3
men heft, wo dat de alweldige Got durch syne milde
barmherticheit vnde gnade geuoget heft, dat vnse lüde
vp Gotlande mit macht ouer de stades muren tho
Wisby stegen vnde wunen de stad sunder aller erer
tho lat vnde hulpe de in der stad weren vnde sunder
gröten schaden, so hebbe wy doch gnedichliken ouer
geseen mit des stades inwoneren, dat se sik so
hartliken tegen vns vnde vnses rikes in wonre gesettet
hebben vnde hebben see tho gnaden vnde tho huldén
genomen. Nw hebben vns ere sendeboden mit namen
her Johan von Elten vnde her Johan Schutte van
aller vnser berorden stad in wonre wegen ok mank
anderen eren weruen vorkundeget, wo dat gy ene ganz
vnvruntliken siet vmme des willen, dat konyngk Erik
in dessen vorledenen jaren den varenden luden dat
ere heft nemen läten, vnde is geuort in de sulue
vor-benomede vnse stad Wisby, doch dat en sulk tegen
der berorden stad inwonere willen ganzliken gescheen
is, vnde see des vorergert vnde nergen gebetert syn,
also see vns berichtet hebben. Dar vmme erwerdige
leue her hoemester bidde wij vruntliken dat gij
gun-nen willen en vnde den eren vrij tho sokende vnde
tho varende in vnde vt juwe stede na older wonheit,
vnde oft de juwen wat vor en gehindert hebben durch
deser berorden sake willen, dat gij en dat willen los
geuen, welk wy alle tijd in eme geliken efte groteren
gerne vorschulden willen tegen juwe erwerdicheit, de
wy hir mede beuelen Gode deme almechtigen, de spare
jw salich vnde gesunt tho langen tijden in syneme
denste. Gegeuen vp vnseme slote Stokholm des
son-dages septuagesima na Godes gebort dwsent verhundert
in deme xlix jare vnder vnseme secret.
<< prev. page << föreg. sida << >> nästa sida >> next page >>
