Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
70
vorbenomede Juncher Gerd van sodane vorscreuen
dage mit den zinen wert schedende, dat he denne den
vorgerorden köpman, wor he den vnder wegen mit
schepen vnde guderen ankörnende wert, vnbeschediget
nicht en låte, dat vns doch van gantzen herten leet
were. Hiirumme is vnse fruntlike beger, dat gij juwe
borgere inwonre vnde den varenden köpman vorscreuen
vor eren schaden willen warnen vnde warschuwen vnde
se mit eren schepen vnde guderen dar se villichte
mede dencken vnde berede zynt tho zegelende
roste-ren vnde tohusz beholden willen, vmme schaden so
zijk to bevruchtende is dar van to nemende to
vor-midende, so lange dat sodane vorgemelde dachuard to
enem ende zij gesleten vnde gevlegen, vnde gij vnde
wij iruaren mogen, wodane wijsz de vorbenomede
bey-den koninge mit den eren vpp deme obgemelden dage
zin gescheden, vnde wo dat se zijk tor zewart stellende
werden, so wij juw dar van int erste wij dar kentnisse
van krigen sunder antworde nicht willen läten, dar na
gij vnde de varende kopmanne zijk mogen weten to
richtende. Sijt Gode deme heren beualen. Screuen
vnder vnseme secrete des mandages na trinitatis Anno
&c liiij
Consules Lubicenses.
Utanskrift:
Den Ersamen wisén Mannen Heren
Borgerme-steren vnde Radmannen to Dantzijk vnsen guden
vrunden.
Originalet pH pergament i Danzigs Radhus-Arkiv.
<< prev. page << föreg. sida << >> nästa sida >> next page >>
