Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
95
helpen willen. Vorder leuen heren vnde frunde, na
deme dat se heren forsten juw vnde mer Steden so
swarliken ouer vns geclaget hebben vnde vns so
vner-liken vnde snode beluth vnde sik suluest so erlik vnde
gud geschreuen hebben, so bidden wy juw fruntliken,
dat gy de ghenne, de juw so ouer vns geschreuen
hebben, eddir ök den Ertzbisschop van Vpsall, her Erick
Nypers, her Vader Oleffsson, her Magnus Bentsson,
her Erick Nygelsson vnde Nygels Cristiernsson van
crer allirwegen darto vormogen willen, dat se bir
kornen vnde spreken vns mit rechte to, wy vorwilkoren
vns darto, dat wy en hir rechts plegen willen vor dem
irluchtigsten fursten, vnsem allirleuesten heren vnde
broder, dem konige to Palen &c efte synen rederen,
vnde den erwerdigen heren vnde prelaten her Nygels
to Linkopen her Oleff to Abow her Laurentz to Wexe
van Gadesgnaden bischoppen her Birgill Trolle her
Hinrik Bitz her Hinrik Clausson, riddere, desse
vor-benomede sint nw beide vnse vnde des rykes gesworne
raet in Sweden, vnde weten beide dat recht dar, so
ök wo wy dar geregeret vnde geleuet hebben,
derge-liken ök van juwen sendebaden vnde den ersamen
råde hirto Danczik, wente de Ertzbisschop vnde de,
de wy by em genomet hebben, sint de ghennen, de
vns desse vorrederye mest to wege gebrocht hebben,
ök wille wy alle geleyde ouergeuen, van erer dachte
wegen, vnde lydén allent, dat vns mit rechte hir
to-gedeilet wert, vmme alle dat se vns tospreken hebben.
vnde ouerbringen vnde ouerwynnen mogen vnd
können mit rechte, by sulkem bescheide, dat de ghenne
de juw ouer vns so geschreuen vnde geclaget hebben,
eddir ök de ertzbisscop van Vpsall vnde de andern,
<< prev. page << föreg. sida << >> nästa sida >> next page >>
