Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
99
ane jenigerleye vorkeringe adir vorhinderinge, also
doen vorbreuen vnde vorsegeln wy vorbenomeden
Bor-germeister Raeth vnde Gemeynheit der stat Danczik
dem vorbenomeden herren koninge Karolo eddir
synen erffen dat vorberorde Putczker gebete vnde
Fisch-ampt als vorgescreuen steit to genietende to behalten
bet to der tit dat wi dem vorbenomeden koninge
Karolo eddir synen erffen de vorgeschreuen vefftien
dw-sunt mark Prusch alse vorgeschreuen steit, an Prusschen
gelde, eddir vor seuen mark Prusch eyne lodige mark
suluers, touoller genoge vnde in ere wisse beholt betalet
vnde geflegen hebben, dach de Stat Hele mit allir
tobehoringe vnde alle schippbrokege guder vnde
sche-pen, dar efte anderswor anstrande kamende mit sampt
des strandes gerichte vpp deesuluigen schippbrokigen
guder vthgenameth, welke wy vns ane allirleye infelle
to gebruken beholden. Vortmer efte imands synen
gnaden, syner gnaden erffen effte denern eynige
infelle, vnrecht efte gewolt in dem gnanden
Putczker-gebede doen wolde, darynne wille wy syne gnade,
syner gnaden erffen vnde denere, helpen beschermen
na vnnsem besten vormogen. Des so hebben wy
Bor-germeister Radmanne vnde gemeynheit vorbenomet to
rechter orkunth der warheit vnde merer sekerheit
vnn-sir stat Danczik segill mit vnnsem guden willen vnde
weten an dessen vnnsen breff gehangen, de gegeuen
vnde geschreuen is to Danczik im jare vnnses heren
dwsunthveerhundert vnde souen vnde vefftich am
negesten mondage als men in der hilgen kerken singet
Jubilate.
Original pä pergament, med vidhängande sigill, i staden Danzigs arkiv.
<< prev. page << föreg. sida << >> nästa sida >> next page >>
