Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
133
xl offte 1 mark, des he doch nicht wolde annamen,
men he vorkoffte dat dren bürgeren in der stad
Wys-bu vnde zegelde zo van dar. Des ik juwer
ersam-heide beger to wetten, dat ik den tydén dat
vorge-rorde wrak annamede vor den soluen koop, als dat
gekofft was, by sodanen vorworden den schipberen
vorbenomeden to betalende. Aldus leuen heren, hebbe
ik dat vorgerorde wrak angenamet vnde dar nicht mer
to behoringe wen dat zegel vnde vp stände thowe,
vnde hebbe dat zo weder beteren vnde buwen läten,
vor ich tor zewart vth gerendet, mit thakel vnde
thowe &c vnde hebbe dar eynen minen dener Cleys van
der Vecht genant vor schipher op gesettet vnde vth
gerendet mit der ladinge dat to juw bynnen op juwe
ström in de Trauen to zegelende. Des is in den
tydén de ergenante Mathias dar mit juw tor stede
bynnen gewest vnde mynen dener Cleys vorbenomede
an-gelanget vnde dat vorgerorde schip aff gedrenget vnde
my affhendich gemaket de ingeschepeden gudere vnde
allent wes my dat vorgerorde schip gekostet hadde,
warvmme, leuen heren, ik juwe ersamheide
vruntlij-ken biddende sy, na deme desse sake dar mit juw
bynnen zo gesehen is, dat gy dat zo vorhandelen mit
dem ergenanten Mathias, dat my dat myne vnde
allent wat my dat vorgerorde schip gekostet hefft, wes
ik darvon to achter sy, in vruntschop vorholden vnde
wederlecht werde, zo juwe ersamheide wol erkennet,
dat ik dar recht to hebbe, vnde begere desses juwe
scryffitlike merkelike antword, war ik my na moghe
wetten to rychtende. Dar mede sy juwe ersamheide
Gode almechtich beuolen, ghesund vnd salich.
Ge-screuen vnder mynen ingezegele des vry dages vor
<< prev. page << föreg. sida << >> nästa sida >> next page >>
