Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
207
mochte vorlecht werden, dar to gy sy wol geneget,
myt mere juwen vrunden van Rotstok, Straleswnd vnd
Wismar, des ich juw alle vruntlichen danke, vnde
vordermere dat juw begeren isz, effte ich noch were
geneget myt mynen vrunden jennich dachfart myt
koninch Kersten to holdende, vnde gy vnde anderen
guden Steden scholden noch my vnde mynen
byligge-ren gantze dynge to eren vnde to rechte noch
mech-tich wesen, des leuen vrundes, als ich hebbe juw
er-samicheit ere geschrewen deme liehe so to donde, deme
ich noch ouerbodich sy, dat gy my altit to liehe vnde
to rechte mechtich wesen Scholen. Ersamen leuen
vrundes, als gy schriwen, dat welke juwe bodeschap
isz vorhindert, de wtgesant were &c de sulchet deyt,
de denchet nicht vrede effte endracht to hebbende.
Vordermere alse gy schriuen vmme secher geleyde &c
sendet my eyne copie wo de leyde schal to gaen, soo
schalt juw allen gerne vorsegelt werden vnde vast
geholden. Als gy roren vmme salicher schipper Hannike
vrome &c des wil ich gerne vorschreuen an myn
broder Her Lauris. Dar mede juwe ersamen wisheit
Gode gesunt to saligen tiden beualen, Geschreuen to
Wisborgh amme vridaghe negest vore der hilligen
appostelen Philippi & Jacobi Anno &c lxnono
Iwer Axelsson
Ritter &c.
Utanskrift:
Den ersamen vorsichtigen wolwisen heren
borg-meysteren vnde ratmannen der stat Lubek, synen leuen
gunstigen gude vrunde vnde gunnere.
<< prev. page << föreg. sida << >> nästa sida >> next page >>
