Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
216
kamlike macht geven vnd in craft disses breffes
ge-geven hebben, vmme alle sake twisschen vns den
vnsen vnde koningk Cristern vnde den synen mit rechte
aff to leggen, vnde wes gy vorberorde heren van
Lu-beke mit mer juwen vrunde tusschen vns vnde den
vnsen vnde koningk Cristerns &c van der vorberorden
sake wegen aff seggende werden mit rechte, dat
willen vnd scholen wy vnde de vnsen stede vasth vnd
wngebrokelik holden. Könne gy de vorberorde sake
ok hen leggen in vruntschap, so dat et vns vnde den
vnsen nicht alto swarliken to schaden kamen macht,
so sollen gy vns vnde der vnsen des ök vulmechtigh
wesen, by sulken beschede, dat gy &c koningk
Cristern vnd den synen gelikerwis fulmechtigh syn
mogen, ok geve wy jw vullemacht mogelike tit vnde
be-legelike stede twisschen vns den vnsen vnd koningk
Cristern vnde den synen to Calmarn edder in jenige
andere stede in vnsem rike Sweden vp to nemen, dar
de sake mogen forhandelt vnd mit rechte ofte mit
vruntschap als vorgeschreuet steit aff gelecht worde.
Alle disse vorgeschreffene artikele vnde eyn juwelik
besunder by sik lave wy vorbenomede koningk Karl
vor vns vnde alle de vnsen vnd vor allen den genen,
de vmme vnsen willen willen vnde scholen dön vnd
lathen, by vnser koningkliken ere vnd truwe stede
vasth vnd vngebrokelik to holden sunder jenigerleye
hulpe rede edder argelisth. Des to tuge so lathe wy
vnse secret vnden an dat spacium an dissen breff
hangen, de gegeven vnd geschreuen is op vnsem slate
Stokesholm am dingesdage negesth for phingesten in
dem jaar vnses herrn dusent fer, hundert sostich vnde
in dem negenden.
<< prev. page << föreg. sida << >> nästa sida >> next page >>
