Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
275
elende, dar vp tör bicht vnde tome sacramente vnde
in eyn closter gaen vnde dar nicht vt, id en were
also vorscheiden ime rechten, des koning Karle eme
alle vorbleuen vnde nicht vullentogen hadde, vnder
langen vorhandel &c, deger fruntliken biddende, na
deme syn gnade sick so gutlick in alle dynck gegeuen
vnde volgafftich were gewesen *bet id to desse dage
gekomen wer©, syn gnade hadde des dages Michael
vnd ock des anderen dages syck to ere vnde rechte
vorboden vnde gewardet*, de radessendeboden so sick
de sake doch in fruntschopp nicht erfynden wolde, de
to syck nemen wolden vnde imme rechten vorscheiden,
want syn gnade vorhopede syck vnde hadde id also
vorstaen, id also vpgenomen were &c, vnde ock
forder, dat syn gnade to vorder vpruckinge yeniger tyd
genslick vnberaden were, syn gnade en wyste ock
nicht, wo he hoger kosteliker dage vnde rechtes
er-bedinge mit den Sweden angaen sick erbeden vnde
vp-nemen scholde, begerde de stede dat recht to syck
nemen wolden.
Dar vpp de radessendeboden der stede na
be-sprake vnde vorhalinge vorg. leten antwerden na alse
vore, dat se de sake also nicht angenamet hadden de
ime rechten to vorscheidende, sunder wes se dar
gudes to doen mochten &c, so scryffte vnde weder scriffte
dat clarliken wäl solden vt wisén, vorhopeden sick, de
here koning Cristierns were sodaner scriflte wäl en
bynnen, wäl dan syn gnade syck vakenne to eren vnde
to rechte erboden, vnde syner gnaden wederpart der
geliken, so hadde [se | etlikes partes erbedinge in eren
breuen vorsloten an den anderen part gesant, vp
so-danes ofiit se dar wat gudes to doen mochten &c Ock
<< prev. page << föreg. sida << >> nästa sida >> next page >>
