Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
34
nen breffuen vnde rekenBkap, welk hee nicht en dede, vnde
juwe sendebade wag do hijr vor vns vnde mere des rikes
federe myt juwen apenen beswaren breven, ludende op dat
vorgeschreuene gut. Men dar vmme dat Otte do hyr nichten
quam, als he sik to Calmaren vor vns vorwilkoret hadde, do
nam ik Sten Stwre juwen sendebaden myt my in
Westergötland vnde Östergötland dar vmme dat wy wolden juwen
sendebaden van juwer wegen min ofte recht schen läten. Do
quam de vorgenante Otte Torbiornsone vor my Sten Stwre
vnd mere des rikes redere myt synen breffuen vnde
Schriften vnde he konde nicht beuisen, dat dat gut in Schotlant
to hus hörde. Do sede wy en recht aff na des rikes
be-schreuene recht, dat Otte Torbiornsone scholde juwen
sendebaden dat gut wedder vornogen vnde betalen bynnen soss
weken by synen xl marc, vnd na deme dat he dat gut nicht
vormochte to betalen vnde dar ok nicht nehe borgen vore
setten konde, dar vmme hebbe ik Sten Stwre ene behindert
unde in guder vorwaringe sat hyr op des rikes slot Stokholm
vnde wii eme in de suluen vorwaringe behalden so lange, dat
mere des rikes redere hyr to hope kamen vnde ok so lange
dat wy breve van jw krigen können myt den ersten int
vor-jar, off gij willen àe swmma van juwen gude wes
vormynde-ren vmme Gades vnde syner armot willen, op dat juwe
me-deborger de syn gut vorlaren hebben mochten jo wat vor
dat sijne wedder krygen. Wille gy des ok nicht, so kone
wy synen an klegeren nicht rechtes vorwegeren vnde dar
ouer wille wy alle tit gerne don wat jw vnd juwen borgeren
to willen vnde leve wesen können. Dar schole gy vns alle
wege gutwillich inne winden. Hyr mede bevele wy jw alle
deme almechtigen Gade to ewigen saligen tiden. Geschreuen
op Stokholms slot den ersten swnnavent in der västen vnder
vnser aller signete vnde ingesegele Anno domini Mcdlxx
quarto.
Sten Stwre des rikes to Sweden vorstender,
Nicles Stwre, Gostoff Karlasone, Eskel Isacsone,
Gregers Mattessone, Twre Twrssone vnde
Ærengisel Gedde riddere.
Original i Danzigs Rådhus-Arkiv. M&rlcen ocli lemningar efter 6 sigiller.
<< prev. page << föreg. sida << >> nästa sida >> next page >>
