Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
333
mar vnde Stralesundt &c worinnen se vnnsz samentliken
to-entboden hebben vnns in vnnszen rechtuerdighen zaken na
gebore willen gutwilligh vnndt wolbeneget zin entieghenn
vnnsen apenbaren viandt koningh Hanss, des wij ok nen
twiffuel hebbenn, dat juwe erlike wisheide och so dön
wil-lenn, alsz ghij och eer gedan hebbenn, wente wij nicht
anners merken komenn sunder dat de forbe[nome]de koningh
Hans juwe apenbare viant zij, de so den gemenen kopman
so jamerlikenn leth dat zine nemen, aff skattenn vnndt vth
puchchenn jegenn alle Gades rechte, tho water vnndt to lande
myt den zinen woer he des kan bekomen. Darumme hebbe
wij desseme jegenwordighenn magistern Wernern, des
werdigen heren electuQ to Linkopungh cancellarium, vnndt
junker Otte Borken, vnser aller sendebodenn, vtgeschicket an
juwenn ersamheiden vnde ök andere vnnsze frunde trost to
erlangende vndt knechte vp to nemende, hiir an vnnsz de to
bringende, wij van juwen ersamheidenn begerende sint hulpe
vnndt dessen vorgescreuen vnnsen sendeboden willen
gutwilligh vorderen wedder an vnnsz, vorschulde wij alle vnndt
vnnse nakamlinge rikes redere vnndt des inwanere an jw
vnndt den juwen in enem groteren offte in enem geliken in
allen tokomenden tiiden, wor wij konen vnndt mogen myt
liue vndt gude, kennet Got, de jw allen zunt vnndt saligh
sparen in lucksamer wolffart. Gescreuen vp Stokholms slot
am dage Sunte Tome apostelen anno M:mo D:mo secundo,
nostris sub secretis et sigillis presentibus inpe.nsis.
Ghemenne rikesradt in Swedenn.
i
Original med marken och fragm. af 8 sigiller i Danzigs Bàdhus-Arkiv.
<< prev. page << föreg. sida << >> nästa sida >> next page >>
