- Project Runeberg -  Bondestudentar. Skuleutgåve ved Olav Midttun /
48

(1936) [MARC] Author: Arne Garborg
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - III. - IV.

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

døyva. Han fyllte bringa som ein sår, varm flaum, og
fram vilde han, vilde han; skar seg heit og brennande
fram i augo; vreid seg bivrande um den magre munnen.
Men då båten hadde lagt heilt ut ifrå bryggja, og ho såg
«vesle Daniel» stå åleine på framdekket millom alle desse
framande som såg so reint uvedkomande ut, då kunde ho
ikkje halda seg lenger. Ho snudde seg burt, bøygde
hovudet mot hendene og grét, grét so det skok i dei
gamle slitne akslom.

IV.



«Olsen, Olsinis, Olsini, Olsinem, Olsen! Olsine,» —
deklinera Johannes Ortvedt.

Markus Olivarius Markussen lo i høgan sky. «Ja det
er rett!» sa han, «Olsen gjeng etter 3dje. Ha-ha-ha!
Olsen, Olsinis — ha-ha-ha! Ortvedt er ein mann med
idear!»

Daniel lika ikkje å bli deklinera; men han lo med so
godt han kunde; han visste det nytta ikkje a slå seg
sint.

«Og der er Olsen den andre!» ropa Markus Olivarius
Markussen som òg var ein mann med idear.

Inn kom ein ung, høg fyr med hengje-aksler og lang
hals; andletet blømde i tæringfine leter.

«Nei takk ska’ Di ha’!» sa han med eit bassmål som
ingen skulde venta frå slik ein smalhans; «det skal Di
vera blå for! ,Den andre‘ er jæ mye for lang til å vera,
ser Di.» Han la bøkene sine ifrå seg; tok Daniel under
armen; drog han med seg midt frampå golvet; song so
med brestande mæle og store teaterfakter:

«Jeg — er — Olsen den første, Olsen den første, Olsen den første;
Han — er — Olsen den anden, Olsen den anden, Olsen den anden, —
                — Begge vise Mænd».


Markus Olivarius Markussen lo i høgan sky. Johannes
Ortvedt higra med; augo hans lo, og skjegget hans lo,
og heile karen lo; for han visste at no kom Markussen

<< prev. page << föreg. sida <<     >> nästa sida >> next page >>


Project Runeberg, Fri Nov 20 21:20:13 2020 (aronsson) (diff) (history) (download) << Previous Next >>
http://runeberg.org/bondestuds/0052.html

Valid HTML 4.0! All our files are DRM-free