Full resolution (JPEG) - On this page / på denna sida - Danmark-Norges Trakfater 1523—60 (Traités da Danemark et de la Norvége 1523—60) - 1. 1523. 5. Febr. (Lybæk). Forbundstraktat mellem Hertug Frederik af Slesvig og Holsten og Byen Lybæk mod Kong Christian II
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
7
1523. 5. Febr.
10. Und so wedderumme, wan danne, des men sick doch
jo tom almechtigen nummer vorhapen wille, wy borgermestere,
radtmanne unde stadt Lubeck dorch vilgedachte konyngklike
werde to Dennemarcken ader jemandes anders van orer wegen,
idt were we de syn mochte, angefochten und benodiget wurden,
dan schal und wyl bavengedachte her hertoch Frederich, syner
gnaden erven, nakomen, furstendomen Sleswyck, Holsten, Stor
marn uns wedderumme myt twen dusent gemusterden knech
ten und weraftiger manne, twen hundert perden und nottrof
tigen veltgeschutte und tobehoringen up orer furstliken gnaden
kosten, eventur und veltscbaden bytostande, hanthavende, be
schermende und to entsettende schuldich und plichtich wesen.
11. Wurde idt danne, dat de almechtige vorhoden wil,
de schynbarlike not wyder erforderen, dan schal und wil vele
genomete bere, hertoch Frederich, und syner furstliken gnade
medebenometen alles vormogens m}rt lyve und gude, landen
und luden in geliker maten, wo wy vorplychtet, uns hulpe, trost,
bystant, hanthavinge und beschermynge to water und to lande
ane alle weygerunge getruwelich to donde schuldich und plich
tich wesen, wo syne furstlike gnade und syner gnade medebe
nometen dorch belegerunge ader anderer schynbarliker, rede
liker orsaken des nycht vorhyndert werden, ock alles ane
geferde.
12. Wo sick danne myt hulpe des almechtigen begeven
wurde, dat vilgedacht herre, hertoch Frederich, dusser hande
lunge in den ryken Dennemarken to geluckzaliger vorhoginge
qweme, dan schal unde wyl syne furstlike gnade uns und in
desser saken unsen hantdadigen frunden vnd vorwanten, de wy
van denen, wo van olders uns vorwant gewesen, dar to teen
willen, de olden privilegia und gebruckfe] ock segelation in den
ryken Dennemarken, Sweden, Norwegen ock in ore gebede,
lande und furstendome up olde gewontlike tollen, dar men des
plichtich, gunnen, wedderumme insetten, de confirmeren unde
darby hanthaven vor idermennychlikem unvorhyndert, de ock
vormeren und nycht vormynren ock myt den rykesredern myt
allem flyte darin sehen unde handelen, wo idt denne in orem
rade befunden, ernstlich vorfugen, dat de schepe ut den ryken
allenthalven unde der Oistzee to Lubeck unde ånder orde, wo
van oldinges gewontlick, segelen mogen.
<< prev. page << föreg. sida << >> nästa sida >> next page >>
