Full resolution (JPEG) - On this page / på denna sida - Danmark-Norges Trakfater 1523—60 (Traités da Danemark et de la Norvége 1523—60) - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
437
1543. 4. Sept.
tin, Pomern etc., up den sundach 1 na omnium sanctorum
schirstkamende dem abt oder synem darto vorordenten van
wegen des closters und convents to Reynefelde wedderumb in
die guder, so men die Reynefeldische havemeisterei noraet, und
al dat, so gemelte closter und dessulven havemeister an dor
peren, molen und guderen in gewer und bosyt tor tidt, als wy
die guder an uns genamen, gehat heft, setten und doran wal
digen willen laten, em ock gestaden und nageven, dat he eynen
havemeister ut dem orden efte eynen andern bevelhebber,
christliken administrator oder oeconomum darhen, wie to vorne,
sette und vorordne, doch dat diesulve syck unergerlick der
religion und syns wandels halfen holde.
2. Diesulve havemeister schal schuldich und vorplichtet
syn, uns Barnym und Philips, hertogen etc., und unsen erven
in namen und van wegen des abts, convents und closters to
Reynefelde al datjenige to don und to leysten, so ein have
meister und inhebber gedachter Reynefeldischen havemeisterei
und guder aver vorwerte und vorjarte tidt unsen seligen vor
oldern und uns geleystet und gedan heft, ock uns und unsen
erven al datjenige, so unse selige vorolderen und wy ut den
guderen an hefungen, aflager, diensten, volge, sture und andern
gerechticheiden und herlicheiden aver vorwerte und vorjarte
tidt gehat, volgen, don und leysten laten, daran wy und unse
erven uns ock scholen und willen benogen laten und dem have
meister ifte den buren, dem closter tostendich, nichts ungewon
lickes, nyes noch beschwerlickes aver datsulve upleggen noch
ansynnen syn; wo ock innerhalven vorwerter und vorjarter tidt
van unsen vorolderen ifte uns ichtwes beschwerlickes und un
gewonlickes up die vorgemelten closterguder gelecht were, dat
sulve scholen und willen wy hertogen to Stettin, Pamern etc.
fallen laten und afschaffen.
3. Diewile averst datjenige, so wy hertogen to Stettin, Pa
mern etc. uns in bemelten closterguderen anmaten, in den vo
rigen handlungen uns nicht bestanden, derhalven ock datsulve
ane wiederbesychtigung und erkundigung nicht kan oder mach
vornutiliret edder in eynen vordracht namhaftich und utdruck
lich gesettet werden, is dat darhen gerichtet, dat wy konigk
1 4. Nov.
<< prev. page << föreg. sida << >> nästa sida >> next page >>
