Full resolution (JPEG) - On this page / på denna sida - Danmark-Norges Trakfater 1523—60 (Traités da Danemark et de la Norvége 1523—60) - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
443
1543. 9. Dec.
Stettin, Pomern hertogen etc., bekennen und dohen kunt hir
mede apenbar: Alse sick etiicke erringe van wegen der guder,
so abt, closter und convent to Reinefelde und ore nakomelinge,
in dem lande to Holstein belegen, in dem lande to Stettin ge
hat und nocb hebben, so wy fursten to Stettin, Pomern etc.
ut vorfallenden orsaken hebben vor etlicken jaren innemen
laten, bet darher entholden, und averst daraver vorschener tidt,
alse dingstedags 1 na Egidii 2 alles jegenwerdigen dreundeverligsten
jares, aller vorgemelter gebrecke fruntlicken und gutlicken vor
dragen und vorglicket worden, alles na lude und inholde des
sulven vordrages, den wy hirmede in sinen puncten und arti
ckeln umb langheit willen to repetiren unnodich holden, so
hebben deme na wy Christian, konigk, Johans, Adolf und mit
im namen Fredricken, alle alse hertogen to Slesewig, Holstein,
vor uns und allersitz unse erven nevenst und mitsampt ern
Otten, abt unsers closters Reinefelde, vor sick, prior, convent
und closter Reinefelde und ore nakomelinge unse rede und
leven getruen Otto Sesteden und Gurgen Corpern, secretarium,
und wy Philips, hertoge to Pomeren etc., vor uns und mit in
volmacht unses fruntlicken leven veddern hertogen Barnimbs
unse rede und leven getruen Ulrick van Schwerin, unsen hof
marschalck, Balthasar vom Walde, cantzler, der rechten doctor,
Niclaus von Klempten und Matthias Budden, hovetman toTrep
tow und Klempenow, to wercklicker 3, creftiger und entlicker
vollentehunge und afhandlunge bavengemelds tom Kyle in Hol
stein upgerichten vordrages an huden dato gen Treptow up der
Tollense afgeverdigt, und wile den uns, de hertogen to Stettin,
Pomern etc., die upgerichte gerurde vordrach darhen bindet,
dat wy hudigs dages den gemelden abt, prior, convent, closter
Reinefelde und ore nakomelinge edder ore volmechtigen wedder
umb in die guder, so men de Reinefeldische havemesterye no
met, und al dat, so gemelte closter und dessulven havemeister
an dorpern, molen und gudern in gewehr und besitte tor tidt,
alse wy de guder an uns genamen, gehat heft, setlen 4 und dar
an waldigen laten ock gestaden und nageven willen, dat he
einen havemeister ut dem orden efte einen andern christlicken
administratorn darhenne, wo to vorne, to setten;
1. so hebben wy Philips, hertoge to Stettin, Pomern etc.,
vor uns und mit in volmacht unses fruntlicken leven veddern,
hertogen Barnimbs etc., und unser aller erven den abt, prior,
convent und closter Reinefelde und ore nakomelinge in aller
maten, forma und gestalt, der upgerichte, vorfatede vordrach
clerlicken medebringt, an huden dato in gemelte des closters
Reynefelde gudere dorch vorgemelde unse vorordente rede gnug
samlichen und werglichen restituiren, insetten und to kreften
bringen laten, wo ock hirmede in craft kegenwerdigen breves
upt bestendigste geschuet; schal ock vorgemelte unse geschene
1 O: dingstades. 2 4. Sept. 3 O: wertlicker. 4 O: stetten.
<< prev. page << föreg. sida << >> nästa sida >> next page >>
