- Project Runeberg -  Danmark-Norges Traktater 1523-1750 med dertil hørende Aktstykker / Andet Bind. 1561-1588 /
100

(1907-1933) [MARC] With: Laurs Laursen
Table of Contents / Innehåll | << Previous | Next >>
  Project Runeberg | Catalog | Recent Changes | Donate | Comments? |   

Full resolution (JPEG) - On this page / på denna sida - Danmark-Norges Traktater 1561—88 (Traités du Danemark et de la Norvège 1561—88) - Sider ...

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has never been proofread. / Denna sida har aldrig korrekturlästs.

100 1563. 5. Okt. Nr. 6.
sine alterius assensu et scientia ac voluntate cum rege Sveco
rum in ullas transactionum conditiones seu tractationes descen
dere aut consentire, nisi prius hac de re inter illarum maie
states ex omnibus partibus conveniat.
5. Conditiones autem utriusque maiestatis regiæ hæ cum
primis necessario erunt proponendæ:
Principio, ex parte serenissimæ regiæ Poloniæ maiestatis,
ut illustrissimum dominum Curlandiæ ducem, clientem et vasal
lum regiæ Poloniæ maiestatis, quem non bello neque armis, sed
juditio serenissimæ regiæ Poloniæ maiestatis persequi debebat,
in posterum neque bello neque armis infestet, sed eius Illustritati
de injuriis illatis atque damnis per omnia satisfaciat, damnaque
illata in toto resarciat ac parata pecunia rependat et persolvat.
Secundo, ut in Livonia ea omnia regiæ Poloniæ maiestati,
domino nostro clementissimo, quæ ibi occupavit, restituat et
præsidia inde sua statim abducat ac amoveat, liberaque omnia
una cum toto apparatu bellico et commeatu in manus eius re
giæ Poloniæ maiestatis aut maiestatis eius mandatarii sine ulla
tergiversatione et mora aut procrastinatione reddat et tradat.
Tertio, ut una cum expensis in bellicam hane expeditionem
factis damna et injurias, tam regiæ Poloniæ maiestati quam
illius maiestatis subditis quovis modo per omne id tempus
illatas, etiam resarciat et rependat.
Quarto, ut illustrissimum dominum Joannem, Finlandiæ
ducem, fratrem, integre 1 in omnibus restitutum, atque adeo
illustrissimos dominos, duces Prussiæ, Curlandiæ, Pomeraniæque
omnes atque Megapolenses et omnes alios duces et civitates
populosve, eius Poloniæ maiestati sanguine junctos aut confæ
deratos et necessarios ac subditos, pro amicis habeat, adver
susque illos omnes nihil unquam postea hostilitatis aut inimi
citiæ machinetur aut moliatur.
Quinto et ultimo, ut faciat liberam navigandi atque mer
candi et quarumvis mercantiarum ubique transportandi et ne
gotiandi potestatem et facultatem per maria omnia omnibus
regiæ Poloniæ maiestatis subditis, tam ex regno Poloniæ, quam
ex Prussiæ et Livoniæ ducatibus, ac una ex aliis omnibus et
1 D tilføjer deretter: a se.

<< prev. page << föreg. sida <<     >> nästa sida >> next page >>


Project Runeberg, Sat Dec 9 19:16:18 2023 (aronsson) (download) << Previous Next >>
https://runeberg.org/danotrak/2/0112.html

Valid HTML 4.0! All our files are DRM-free