Full resolution (JPEG) - On this page / på denna sida - Danmark-Norges Traktater 1561—88 (Traités du Danemark et de la Norvège 1561—88) - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
164 Nr. 9.
1568. 21. Juli.
legen. Ut den Lusekenborn de beke entlanck wente in Boyen
dike, de beke midden de scheden, und gehoret de halve dick
up Lendern und de halve dick up Suderrader veldtmarcke.
Van Boiendike Schellrader mohlenbeke entlangk bet an grote
Hans mohlen, de beke midden de schede, Schellrade to norden,
Suderrade to suden gelegen, und schal Schellrader qwick mit
Suderrader qwick be suden aver de beke twisken der beke und
dem kornvelde to aller tidt hirna gan und weiden, wo betherto
gescheen und solches vorhen twisken den beiden burschoppen
vordragen worden. Van grote Hansen molendick in den Wahl
beke, de beke midden de schede. Van dem Wahlbeke in de
Wilhornsbeke henup, dar de stein in de beke steit, de beke
midden de schede, Wrom to norden, Suderrade to suden ge
legen. Van dar hen up den breden stein und fort up den
stein, de bi dem wege gesettet, und also fort up den sten, de
vor den Langenhorn steit, Wrom to norden, Suderrade to suden
gelegen. Van dem stein vor den Langenhorn negest be norden
dem holte, den Langenhorn genomet, hen dal an dat Ellern
vehe und also negst be norden under dem Ellernviehe hen dal
bet an den stein, de in de Sidenwro under dem viehe steit, de
Langenhorn und dat Ellernvehe up Suderrader siden, und de
weide, so be norden dem Langenhorn und dem viehe gelegen,
up Wromer siden. Dewile averst twisken den beiden burlagen
der huede 1 halven twist ingefallen, so sollen desulven henfor
der de weide mit eren beesten, wo bether gescheen, gebruken
und begrasen und nicht forder. Van der Sidenwro hen dal in
de Suderbeke und de Suderbeke hen dal in de Eyder, de beke
midden de schede, Wrom to norden, Suderrade mit eren wis
ken to suden gelegen, und streckt sich de Eider also int nor
den, vordan in nortwesten und westen hen dal und schedet de
vogedei to Lunden van dem hertogthumb Schleswig wente vor
de sande, vor Nordick und Suderdick gelegen.
Noch gehoret in dat norder druddendele dat caspel Busing,
welcker mit der sehe beflaten und eine richtige schede heft,
doch schollen de strome twisken dem Middeldele und gedach
tem caspel Busing auch dem caspel Wesselingburen beiden
1 H: hode; K: hoede.
<< prev. page << föreg. sida << >> nästa sida >> next page >>
