Full resolution (JPEG) - On this page / på denna sida - Danmark-Norges Traktater 1589—1625 (Traités du Danemark et de la Norvége 1589—1625) - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
389
1621. 29. April.
Nr. 24.
quasi subditi vestri non sint apud nos pari cum cæteris genti
bus conditione, sed ab iis solis præter cæteros centesimæ in
freto nostro Cimbrico exigantur. Ad solutionem enim istam
centesimarum non subditi modo vestri sed omnes omnino naves,
ex quibuscunque demum eæ veniant nationibus, tenentur ex
ceptis solum Superioris et Inferioris Germaniæ urbibus, quas
vulgo Orientales et Occidentales vocant. Hæ enim uti ab aliis
Europæ regibus ita et a divis prædecessoribus nostris partim
studio et obsequio partim etiam favore commerciorum, quæ
frequentissima semper exercuerunt, multa promeriti fuerint pri
vilegia, inter quæ etiam certæ immunitates in freto nostro Ore
sundico fuerunt, ita tamen ut pari jure omnes iis non gaudeant,
sed aliæ majoribus, aliæ minoribus, prout obsequiis suis majo
res nostros plus vel minus delinire potuerunt. Unde Serenitas
Vestra videt, qua fide mercatores vestri asseverare audeant, a
se solis præter cæteros centesimas exigi. Præterea iniquum
videtur hoc eos a nobis postulare, si quam immunitatem urbes
aliquot a majoribus nostris obsequio et ut plurimum ob fidelem
ipsis difficilibus ipsorum temporibus navatam operam prome
ruerint, ut ea statim omnibus indulgeatur, neque credimus, si
quibus negetur, istos jure conqueri posse, quasi pari cum cæte
ris gentibus conditione non habeantur. Eapropter obnixe a
Vestra Serenitate petimus, ne aures injustis hujusmodi querelis
præbere velit, sed sibi omnino persvadere, nos uti antehac ita
et adhuc subditorum ipsius commodis atque emolumentis quam
maxime favere eademque benignitate nostra regia, quantum
absque regalium nostrorum imminutione fieri poterit, promo
vendo atque augendo argumentum Serenitati Vestræ certissimum
præbituros sinceri ac fraterni amoris, quo Serenitatem Vestram
prosequimur, radios etiam in ipsius subditos diffundi, cui a
summo numine diuturnum firmæ valetudinis omnisque prosperi
tatis usum sedulo precamur. Dabantur Croneburgi Decembris
anno 1621.
<< prev. page << föreg. sida << >> nästa sida >> next page >>
