Full resolution (JPEG) - On this page / på denna sida - Danmark-Norges Traktater 1651—64 (Traités du Danemark et de la Norvège 1651—64) - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
404 1661. 13. Febr. Nr. 23.
fractam et quassam navem cum mercibus hbere vendicare po
terit — salvo jure cujuscunque loci — neque quicquam ei ea
in re impedimento erit, quin tenebuntur potius loci incolæ, si
hoc ab iis petatur, ut pro justa mercede laboris naufragium passo
auxilio sint ad ea, quæ servari poterunt, naufragio eripienda.
9. Si alterutrius regis subditi in alterius territorio lædantur
vel injuria sive detrimento afficiantur, tum rex illius loci, ubi
injuria illata est, curabit, ut secundum jura et consuetas regio
nis leges prompte justitia administretur iisque, qui delictum vel
injuriam commiserunt, debita poena cum reparatione damnum
passis facienda infligatur.
10. Nulla privata injuria foedus hoc ullo modo infirmabit
neque odium aut dissidia inter prædictas nationes suscitabit,
sed quilibet de facto suo proprio respondebit deque eo tenebi
tur, neque per repressalias aut alios hujusmodi odiosos proces
sus alter id luet, in quo alter deliquit, nisi justitia denegabitur
aut plus justo differetur 1, in quo casu regi illi, cujus subditus
damnum et injuriam passus est, licitum erit, juxta juris gentium
leges et præscripta omni modo procedere, donec facta fuerit
læso reparatio.
11. Convenerunt quoque prædicti reges, quod si in poste
rum — quod tamen fore non speramus et, ut Deus clementer
avertat, oramus — dissidia quædam aut controversias inter hos
reges vel regna oriri contingat, arnicabili transactione compo
nendæ erunt, neque ob id præsens foedus ullo modo tolletur
aut irritum fiet.
12. Concordatum porro est, quod per nulla pacta, conven
tiones, articulos sive capita in præsenti foederis tractatu con
tenta ullo modo præcedentes tractatus aut foedera inter prædic
tos confoederatos aut suos prædecessores reges tam pro here
ditariis regnis Daniæ et Norvegiæ etc, quam pro regnis Angliæ,
Scotiæ et Hiberniæ respective antehac facta, censeantur sublata
vel antiquata, sed ut ea perpetuo maneant in pristino suo ro
bore, firmitate et vigore, quatenus non sint contraria aut repug
nantia præsenti foederi aut articulorum alicui in eodem contento.
13. Conventum etiam atque conclusum est, quod populus et
1 O har ved en Fejlskrift: deferetur.
<< prev. page << föreg. sida << >> nästa sida >> next page >>
