- Project Runeberg -  Danmark-Norges Traktater 1523-1750 med dertil hørende Aktstykker / Sjette Bind. 1665-1675 /
45

(1907-1933) [MARC] With: Laurs Laursen
Table of Contents / Innehåll | << Previous | Next >>
  Project Runeberg | Catalog | Recent Changes | Donate | Comments? |   

Full resolution (JPEG) - On this page / på denna sida - Danmark-Norges Traktater 1665—75 (Traités da Danemark et de la Norvège 1665—75) - Sider ...

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has never been proofread. / Denna sida har aldrig korrekturlästs.

45
Nr. 1. 1665. 29. April.
vel ejus subditos pertinuerint idemqve iter fuerint in mari intra
vel extra Europam obviam habentes aut asseqventes, iis præsi
dio esse easqve defendere tenebuntur, qvamdiu eundem cursum
tenuerint, contra omnes et singuios, qvi eas vi adorientur.
28. In majorem commerciorum securitatem et navigationis
libertatem conventum atqve concordatum est, qvod neutra pars,
qvantum fieri possit et in suis fuerit viribus, permittet, ut py
ratæ publici vel alii hujus generis prædones in alterius regni
vel regionis portubus receptacula sua habeant, aut sinet, ut ul
lus ex incolis aut populo alterutrius illos tecto vel commeatu
cxcipiat aut aliqvo modo juvet, verum e contra operam dabit,
ut prædicti pyratæ vel prædones eorumqve participes et adjuto
res prehendantur ac pro merito puniantur navesqve et merci
monia, qvantum reperiri poterit, eliarasi divendicata fuerint, legi
timis suis dominis vel eorum procuratoribus restituantur, modo
eorum jus debitis ex lege probationibus in curia admiralitatis
causarum maritimarum appareat.
29. Conventum et concordatum est, qvod utriusqve partis
subditis et populo ad alterius confoederati portus ac oras liber
semper erit accessus, licituraqve illis erit in iis commorari et
inde rursus recedere ac etiam per maria et territoria qvæcunqve
utriusqve regis respective transire —- non faciendo damnum
neqve præjudicium — non solum cum navibus mercatoriis et
onerariis, sed etiam navibus bellicis, sive publicæ fuerint sive
eorum, qvi specialia diplomata obtinuerint, sive vi tempestatis
aut maris periculo evitando intraverint., sive ut naves reparent
aut commeatum coémant, modo sex navium bellicarum nume
rum non excedant neqve justo propius ad castella vel muni
menta appellant, si sua sponte intraverint, nec diutius in portu
bus aut circa portus hærebunt, qvam ad navium reparationem,
coémenda victualia aliave necessaria opus fuerit, neminiqve ne
hostibus qvidem suis ibidem damnum inferent, mercatoriis navi
bus qvibuscunqve exitum vel ingressum non prohihebunt aut
difficilem facient nec inde tanqvam e statione sua egredientur
et redibunt infestandæ cujuscunqve gentis navigationi, milites
etiam et nautæ non ultra qvadraginta simul aut numero ad
suspicionem composito in terram descendent. Et si majori na
vium bellicarum numero data occasione ad ejusmodi portus ve
lint accedere, iis intrare neqvaqvam erit licitum, nisi data pri
mum tempestive per literas notitia de illarum adventu et prius
impetrata ab iis venia, ad qvos portus prædicti pertinuerint. Si
vero vi tempestatis vel alia urgente necessitate ad portum qvæ
rendum compulsæ fuerint, in tali casu absqve ullo indicio vel
notitia præcedente naves ad certum numerum restringendæ non
erunt, hac tamen conditione, qvod illarum præfectus statim ab
ipsarum appulsu summum magistratum vel istius loci, portus

<< prev. page << föreg. sida <<     >> nästa sida >> next page >>


Project Runeberg, Sat Dec 9 19:17:20 2023 (aronsson) (download) << Previous Next >>
https://runeberg.org/danotrak/6/0057.html

Valid HTML 4.0! All our files are DRM-free