- Project Runeberg -  Dissertatio Medica De Foeda Lue dicta Venerea /
19

(1705) Author: Johan Lindestolpe With: Lars Roberg - Tema: Medicine
Table of Contents / Innehåll | << Previous | Next >>
  Project Runeberg | Catalog | Recent Changes | Donate | Comments? |   

Full resolution (JPEG) - On this page / på denna sida - Sidor ...

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

exsolverint, singulos in universo hac afflictos lue misere &
omni destitutos auxilio perituros.

De contagii autem variis modis ut adcuratissime solliciti
simus, monet prudentia. Per varios enim & multiplices
circuitus humano generi venereum hoc virus insidiatur; hinc
Bebelius: [1]

Nulla ætas tuta est, sive innuptæque puellæ,
Si vir, aut juvenis fuerit, aut pigra senectus,
Nec infans paruulus, nec præbens ubera mater.

Cujus rei plurima simul & tristissima exempla adferre possem;
sed sufficiet, quod Forestus [2] referat Luem Veneream, qua
maritus uxorem, hæc infantem in utero, hic nutricem, hæc
tres liberos proprios adfecit. Simile quid apud Amat.
Lusitanum [3] videre licet, item Schenckium in Observat. Nec
facile credendum est Saxoniæ, [4] probato licet Medico,
adserenti, luem tophis jam nunc sese prodentem, non esse
contagiosam. Sunt autem tophi isti tuberositates &
concretiones quædam durae, secundum ossis situm communiter
formatæ, non tam in ipsis articulis, quam mediis artubus sese
manifestantes, indolentes raro, sed nocturno inprimis
tempore insigniter dolentes: deducta voce à calciformi illa &
gypsea subsidentia, quæ in æneis vasis thermarum, ubi aqua
decoquitur, accrescere solet; quales calculosæ item
materiæ in thermis naturalibus Carolinis Bohemiæ, Aponitanis
Italiæ, & alibi passim producuntur. Sed ut redeam ad
adsertum Saxoniæ, nonne conspectum frequenter Medicis est,
scorbutum etiam, lentum alias morbum, per mutua oscula,
& præcipue per offas a nutricibus præmansas tradi pusionibus
& propagari? Tamen nec usque adeo terrendi homines
sunt, ut cum Zacuto, [5] morbum hunc etiam ad distans
contagiosum esse, persuadere illis conemur: quod de Peste
quidem verum est; quæ Arsenicalibus corrosivis particulis aëre


[1] cit. Phris. d. l.
[2] Lib. 32. Obs. 2.
[3] Cent. 4. Cur. 9.
[4] d. l. c. 3.
[5] Pr. Med. adm. l. 2. Obs. 125. & H. Pr. Med. 1. 1. h. 73. q. 35. & 43.

<< prev. page << föreg. sida <<     >> nästa sida >> next page >>


Project Runeberg, Sat Dec 9 19:38:25 2023 (aronsson) (diff) (history) (download) << Previous Next >>
https://runeberg.org/defoedalue/0027.html

Valid HTML 4.0! All our files are DRM-free