Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Gallicis Scriptoribus Poullains dicti, duri, dolentesque
præsertim noctu, in inguinibus quidem communiter, sed &
interdum sub axillis sese ostentant, etiam in colli glandulis, imo
interdum in miliaribus illis per omnem corporis superficiem
disseminatis, observata tubercula fuere. Aucta postea
fermenti copia, ejiciuntur quasi extra sanguinis sphæram, & per
quandam, ut ita dicam, ebullitionem per totam cutis
substantiam maculæ variæ & plurimæ, qui ne sont, que des
fumees Veroliques, ut Ucay [1] loquitur; nonnunquam satis late,
Ettmüllero teste, præsertim in pectore ac dorso, item in
abdomine rubescentes, flavescentes, livescentes: quas pressas
albicans vestigium, mox ad pristinum colorem rediens,
exhibere Platerus [2] testatur & Sylvius. [3] Fit & cutis fœda
pustulis circa pubem & coxas, loca item muliebria, frontem
& faciem, variis scabrisque, squamosis interdum aridisque,
facile abeuntibus in cancrosa ulcera, h. e. cava, labiis
perduris tumentibus universis instar cooperculi glandis quernæ,
(vid. Fracast. & Ghin.) Etmüllero alba dicta, quæ successive
fiunt callosa, latius serpentia, & vicinam substantiam
exedentia atque absumentia; interdum & verrucæ tam depressæ
quam elatæ, sub linguæ radice enascentes, in cole vero
sæpius: item ficus & condylomata, & cristæ in partibus
muliebribus vel vicinis locis sexus utriusque, tum in manuum
volis & plantis pedum rhagades seu fissuræ visuntur. Si
quandam serositatem acrem continget in spatiis musculorum
intermediis exsudari, pungendo membranas, dolores
Rheumatismum referentes excitabit. Si vero eædem acredines
juxta nervorum longitudinem vel periostii fluent, concitabunt
dolores illos fixos atrocesque, ægros misere torquentes.
Circa vesperam hora nona vel decima aut etiam citius
exacerbari incipiunt, & inter tertiam & quartam matutinam solent
discedere; de die aut nulli, aut tolerabiles: sive id
integumentis stragulisque adscribere velimus, fundentibus illam,
qua involvebantur salium spicula, pituitam; sive absentiæ
<< prev. page << föreg. sida << >> nästa sida >> next page >>
