Full resolution (JPEG)
- On this page / på denna sida
- Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Ballonium Cons. med. 28. l. 1.) interdum juvenes solet. Nam ut
fateamur verum, in hunc ardorem cœcum omnis rejicienda
culpa est, nostrisque cupiditatibus & malitiæ nostræ nostras
stultitias & mala accepta feramus: alios frustra culpamus, non
Musices dulcedini vel cantui Sirenum, non conviviorum
gaudiis seductionem nostram debemus, nisi secretiora quædam
sodalitia quis innuere velit, a quibus cavendum sibi Poëta
monet, dum canit:
Si vitare velis acerba quædam & tristes animi
Cavere morsus, nulli te facias sodalem nimis,
Gaudebis minus, & minus dolebis.
Sed nec Comœdia hodierna juste culpatur & Mimorum
Scenæ quamquam nil fere præter suum amorem fingentes: nec
Poëtarum veterum lectioni, ut nuper cuidam è Belgio
Scriptori visum est, perversio nostra imputanda, licet hisce
hominibus frequenter nimis cantata sint, quæ nox & amor
vinumque suadebant; licet & de iisdem recte legendis solliciti
fuerint & anxii Plutarchus & Basilius, viri si qui ulli, philosophi
& boni. Denique & frustra juvenum nostrorum
peregrinationes culpamus, communi proverbio, talia accidere iis, qui
visitant Gallias & Italiam: si vel esset verum, Salomonicis
olim nautis ex Ophir insula pavones simiasque domum
referentibus quosdam & hodie quoad partem similes reperiri:
volebam dicere, qui auro exteris relicto palæstræ &
cauponis, gestus novos & insolitos fastus domum deducunt.
Utut sumus exoticarum rerum admiratores & contemtores
indigenarum, Veneream saltem luem ultramarinis itineribus
accersere non necesse est. Frustra itaque hæc omnia
causantur: vera in nobismet ipsis hæret culpa, usque adeo, ut
etiam mulierum genus, in quod strinxisse calamum quosdam
perverse disertos videmus, fere liberet severus alioquin
morum Censor Epictetus cap. 55. Enchirid. quem vide. Omnis
itaque Præservationis cura huc collimare, & ad hanc in
nobis vel extinguendam vel circumcidendam cupidinem
respicere debet; cui sicuti non parum conducet, si quis per
<< prev. page << föreg. sida << >> nästa sida >> next page >>
Project Runeberg, Sat Dec 9 19:38:25 2023
(aronsson)
(diff)
(history)
(download)
<< Previous
Next >>
https://runeberg.org/defoedalue/0038.html
