Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
vani ut plurimum conatus fuere, utcunque adjuvare similia,
ubi emendari forsan combinata debebat intemperies,
videbantur. Pauperibus denique, ubi alia non suppetebant,
ex Fraxini ligno & quernis corticibus, tamarisci, & juniperi,
& alni scobe, fagi etiam, teste Fallopio, qualiacunque
remedia propinabant. Cardano, sublimis ingenii Medico, [1]
viperarum carnes laudatæ fuere in decocto, inuncta exterius
pinguedine, quas convenire leprosis jamdudum observatum
fuerat, nec lepræ multum dissimilis hæc lues videbatur. Cui
conveniunt Aquilanus, Abbatius [2] & Charas. [3] Denique
ut acri veneno aliud non minus acre opponerent, ad
Cantharidum tincturam deventum est; â qua non multum
discrepat, quam tradit laudatque Lister, Cochinellæ essentia:
nam & hoc animalculum est ex insectorum genere, in
vagina sua delitescens, & in Ostruntia ficu communiter reperitur,
uti nuper descripsit Richter peculiari tractatu von den
Concenille c. 3. Tandem ubi omnia hæc frustra fieri videbant, ad
crudelia illa ferrum & ignes descendebant, Hippocratis
scilicet dicto audientes jubenti: [4] Quæ Medicamenta non sanant,
ferrum sanat, quæ ferrum non sanat, ignis sanat. Unde factum
est, ut vitæ plane tæderet ægrotos, inter carnificum
tormenta & longissimas Medicinæ moras protractæ, adeoque illis
levius esset ægrotasse, quam sanari, ut cum Poëta:
Graviora morbis patimur remedia,
Nec tanti vita est, vivere ut possis, mori.
<< prev. page << föreg. sida << >> nästa sida >> next page >>
