Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
succolentior, vel vires ferunt. Sudor per horam protrahatur in
initio, post etiam ultra adscendat. Semper calida sudorifera
aut cum calidis vehiculis adsumantur, & imminente sudore
jusculum calidum exhiberi proderit. In pueris dosis uncias
tres vix transcendat, in adultis ad lib. s. adtingat. Ad sudorem
autem nunquam cogendi ægri sunt, nisi postquam humores
dispositos vel ad id præparatos observamus, ne, tenuiore
discusso sero, relinquantur visciditates crudæ h. e. vix mobiles.
Ut autem sudor majori cum euphoria fiat, 30 vel 40 guttæ
sequentis Essentiæ decocto instillari possunt ex consilio Woyte:
d. l. §. 7. Rec. Balsami Copaiv. unc. j, resin. l. sanct. dr. ij, l.
sassafr. dr. s., Cinamom. ac. Scr. j, Sal. Tart. Scr. j. s. Sp. Vini
unc. 5. Sudor impositis stragulis adjuvetur, vel, quod præstat,
stuphas seu æstuaria ingrediatur, quibus æger insidere potest,
Balnei calorem vel siccum parando cum Sp. Vini accenso in
paulo habitioribus, vel humidum cum evaporatione aquæ
calidæ scoriis metallicis candefactis vel ignitis silicibus
superaffusæ, uti præscripsit Cl. Practicus Ettmüllerus cap. d. Lue
Vener. & Holmiæ instituta vidi in balneis Laboratorii
Chymici Insulæ Regiæ ex ordinatione Viri Nobilissimi & Archiatri
D. URBANI HIÆRNE. Ubi autem sudor aliquamdiu
profluxit in æstuario, æger lecto calido committatur, & paulo
post sudor probe abstergatur, aërem frigidum quantum fieri
potest, sedulo vitando. Sed & linteamina sæpius mutanda,
& quæ imprægnata sudore fuere, acri lixivio eluenda &
libero aëri exponenda. Quolibet interim quarto vel ad
summum septimo die purgans remedium interponatur usque ad
curationis terminum: terminus autem est, quo omnia
symtomata Gonorrhææ & Condylomatum remota fuerint;
adeoque subinde à quatuor ad sex septimanas cura hæc
continuanda plus minus pro vehementia morbi vel sudorum copia.
Victus moderatus sit, ex carnibus magis assatis quam coctis,
in progressu parcior instuendus; vesperi passulis aut similibus
loco cœnæ sit contentus æger; potus sit decoctum
secundarium supra descriptum. Conveniet autem hæc sudorifera
<< prev. page << föreg. sida << >> nästa sida >> next page >>
