Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
cura præcipue in viscosa & crassa sanguinis intemperie: nam in
Melancholicis salivatio periculosior est. Respexit etiam
Ettmüllerus ad corporum constitutionem diversam pro
ratione Climatis & victus, & facilius longe salivare Gallos quam
Germanos suos adserit: demumque concludit, præstare
utplurimum utrumque modum conjungere, si non alia de causa,
certe ut sudoriferis & decoctis liquefiant contenta, &
permeabile ac transpirabile undique corpus reddatur, unde per
mercurium postea felicius salivatio instituatur. Neque
diversa plane est ab hac methodus, quam ut novam tradit Piso
d. l. in Indiis fieri solitam: per primos quinque vel sex
menses morbus quasi negligitur, intra quod tempus viscositates
digeri debeant, ægri temperanter vivant, lavacris utantur
calidis, frigus vitent, vinum bibant, recentes edant carnes,
pisces fugiant. Præparato sic corpore pauperes ad
molendinas saccharinas, ignesque luculentissimos amandantur:
ditiores vero ex solo decocto arboris Caoroba & Carcaparilla
parato curantur. Ulcera attritu vel lotione ex eadem
Caoroba tollunt, ejusdemque arboris folia nunc pro balneo
decoquunt, nunc ore jejuno masticata ad ulcera per se non
evanescentia usurpant; omnia recte modo sufficiant: sicut
& id laudandum, quod in Indiis venereos dolores sedari
nicotianæ fumo per tubulum excepto ex Fragosio refert
Möllenbroccius, d. arthr. vag. c. 14.
Sequitur de Mercuriali & Salivatoria cura, quæ
hactenus diversa est a præcedente, quod per salivationem ex
peripheria & artubus ad centrum moveantur contenta maligna;
(vias detectas Clarissimis vasorum Lymphaticorum
inventoribus grati debemus) sicuti contra per sudores ex centro ad
peripheriam eadem distribuuntur. Huic autem methodo
plurimum reperio probatos etiam Medicos sese in initio
opposuisse, ut fieri solet in rebus novis, ubi viros alioquin
egregios non raro ex occulta forte invidia, quod ipsi non primum
vel cogitarunt vel animadverterunt, prolatum ab aliis ægre
ferre videmus. Non quod adseverari liquido possit, vivum
<< prev. page << föreg. sida << >> nästa sida >> next page >>
