Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Argentum & tuto, & facile, & ubique juvare, vel quod ad
ejus usum liceat descendere Medico, antequam suum ægrum
præmonuerit aut interrogaverit, num ulterius infectus esse
malit, quam cariosis ossibus postea per curam separatis,
parte quadam corporis mutilari; sed quod inter diversissima
hactenus in morbi cura tentata, vivum argentum plurima
bona præstitisse evicerit experientia. Nec hodie quisquam
ambigit, nisi ex Aliptarum forsan genere, Mercurialem
curam rejiciens in speciem, qua subdole tamen & sola interim
utitur: imo Medici omnes aperte fatentur, argentum vivum
huius Luis esse genuinum alexipharmacum & specificum, non
eo quidem sensu, quo veterum schola huic vel illi visceri
sua destinabat specifica, sed quod universale hoc, si ullum
aliud, nec acidulis exceptis, nec illa ipsa quam hactenus
quærunt panacæa, & per omnia corporis puncta trajiciens
medicamentum viscosum acidumque hæsitans & rodens morbi
virus aptissime propellere & excutere sibi firmiter persuadeant.
In alia itaque rejici culpa non Mercurium præcise debet,
quod Palmarius, [1] cum Fernelio [2] dysenteriam lethalem
hinc ortam observarit, & Capivaccius tremores, paralysin,
surditatem, cœcitatem, deliria & nervorum convulsiones ex
Cinnabaris abusu secuta animadverterit: quibus Zacutus [3]
consentit, & præterea Montanus [4] Epilepsiam, Rudius [5]
apoplexiam ex mercuriali unguento notarunt; unde
Guarguantus [6] inunctionem talem diabolicam adpellat, &
Montanus [7] Pilulas præcipitatas in mare præcipitari jubet, ut
numquam inde emergant.
Est autem duplex argenti vivi adhibendi ratio: prior per
externam inunctionem. Neapolitanum morem dixere;
posterior eundem salivæ fluxum sed per interna remedia concitat,
idque tutius, ut plurimis hodie Practicis videtur, utpote cum
priore isto modo in potestate Medici non sit, ut salivatio
sequatur vel moderatior vel violentior. Inunctioni autem
<< prev. page << föreg. sida << >> nästa sida >> next page >>
