Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Ad Virum-Juvenem Humanissimum
Dn. JOHANNEM LINDER,
Medicinæ Studiosum, Wermlandum,
De LUE VENEREA egregie disputantem
ἐκφώνησις Gratulatoria.
Candide, concordes inter numerande Sodales,
LINDER, & æterno fœdere juncte mihi:
Olim in Fennonicis tantum bene cognitus oris,
Nunc quoque de nostris nosceris usque locis.
Scilicet ingenuas Te scire fideliter artes,
Conspicit Aonii turba novena jugi.
Et quantum Medicæ tribuisti sedulus arti,
Sustinet ingenii nobilioris opus,
Quo tua Siphylicas describit pagina clades,
Vulneraque ex bello Cypridis orta docet.
Perge bonis avibus! sed quo Te pergere jussi?
Nam retrahit celerem res tibi curta pedem,
Attamen incoctum generoso pectus honesto
Numina respicient, auxiliumque ferent.
Non volo pauperiem meminisse, tuosque labores;
Hoc volo sed tantum dicere: Salvus eris.
Nunc quia constituis peregrinas visere terras,
Et procul à nostris dissita regna focis.
Sit tibi, sit felix iter, atque in corpore sano
Mascula mens, nullis immaculata malis:
Sicque Machaonia fueris dum clarus in arte,
Sertaque jam nitidas implicuere comas;
Te patriæ fidum, morbosque fugare peritum,
In patrios revehat panda carina lares!
<< prev. page << föreg. sida << >> nästa sida >> next page >>
