Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
CHRIST. POLHEIMERI Consil. Commerc.
Ingeniosa Fabrica Siphunculi, quo dolia possint obserari.
Traditur hic nova fabrica Siphunculi cadis
vinariis applicandi, qui jamdudum, ut putem, vulgo
notissimus est, quia cum voluptate multorum &
emolumento usitatus, pollet enim simul arte
simul virtute. Virtus ejus præcipua in eo consistit, quod
ejus ope famulantium libido refrænari possit, qui
oblatâ quâlibet occasione a se neutiquam impetrent, quo
minus insciâ & invitâ matrefamilias de cadis quantum
eis volupe sit, eliciant, clamque in cellis, heri sui
deliciis fruantur. Unde siphunculus hic novus
excogitatus factusque est instar seræ, quâ obturari possint vina,
& fallaciæ solitæque famulantium libidines inhiberi. Ita
enim constructus est, ut materfamilias clavem ejus ad
arbitrium suum disponere, dispositamque dein
cellariæ vel suppromo tradere, cum plena permissione, ut
e cado, quantum libeat liceatque, exhauriat: Interim
poterit illa ingenio siphunculi freta secure inter
convivas versari, & tuta esse, ne quid aquæ, dormiente
molitrice, præterfluat. Si more & libidine suâ ductus
cellarius usque aliquid e vase in via hausisset, manifestus
fieret dolus ejus, nam indicium ejus vas ipsum præferret.
Unde vides utilitatem superare artem, artemque
vicissim utilitatem, placiturumque esse multis, at multis, ut
turbæ viliori, displiciturum. Externa ejus facies nota
jamdudum est, sed quia ars ejus intus delitescens occulitur
adhuc, mens est illum aperire, apertique partes tam
conjunctim quam singillatim exponere, & præcipue
tenacem illum promum Condum, nam aliquis vulgo
putari potuisset intus latere, in lucem proferre.
<< prev. page << föreg. sida << >> nästa sida >> next page >>
