Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Bry - - - - - - - in Oestgotia, cum singulis earum attinentiis, que quidem
curia & possessio de prefata tertia parte communium prediorum dinoscuntur
derivate. Hoc adjecto, quodf ubicunque compertum fuerit, quod aliqua pars
de prediis supradictis, communibus scilicet, nobis dimissis, rite & amicabiliter
diuisa & distincta fuerit, ac nomini Regio taliter assignata, siue culta sit,
siue inculta, videlicet in curiis, coloniii, agris, pratis, pascuis, siluis,
piscariis, molendinis, vel molendinorum locis, infra sepes & extra, ipsa pars ad
nos & nostros heredes pertineat, diminutione qualibet pretermissa. Si autem
aliquid de tertia parte predicta possessionum per commutationem inventum
fuerit dimissum pro aliis equivalentibus bonis, ita quod de hoc gerimus nos
contentos, hujusmodi commutatio rata maneat atque firma. Si vero secus
factum fuerit, ipse Dominus noster Rex nobis facultatem liberam dedit &
commisit, taliter dimissum vel reuocandi & reassumendi, vel etiam
satisfactionem plenariam, prout justum est, petendi pariter & acqvirendi. Preterea
voluit idem Dominus noster Rex, ut quicqvid de parte predicta prediorum per
commutationem vel venditionem factam forsan per progenitores ipsius, vel
alio quocumque modo, fuerit alienatum vel distractum, retroactis temporibus
quantumcunque antiquis, hoc integraliter ad nos deuoluatur, ita quod nichil
penitus sit exceptum, quin totum nobis cedat, quod in premissis suo nomini
dinoscitur attinuisse, prout in literis suis super hiis confectis plene patet.
Hanc igitur bonorum & possessionum commutationem, inter ipsum Dominum
nostrum Regem & nos rite & legitime factam, tam ratam & irrevocabilem
habere volumus ex utraque parte, quod neque per eundem Dominum nostrum
Regem, neque per nos vel heredes nostros aut suos revocari valeat, aut
aliquatenus irritari. Hoc etiam adjecto, quod si quid in bonis, prediis vel
possessionibus predictis, que nos ipsi Domino nostro Regi dimisimus &
assignavimus, impetitum vel calumpniose fuerit impeditum, ita quod hoc diebus
nostris sibi non poterimus appropriare, vel de prediis nostris aliis sufficienter
refundere, heredes nostros ad hoc faciendum esse volumus obligatos. Similiter
& ipse Dominus noster Rex tenebitur ad tantum nobis vel heredibus nostris
refundendum, sicut de predictis possessionibus aut prediis nobis per ipsum
assignatis impetitum fuerit vel impeditum, quod si diebus suis factum non
fuerit, successor suus, qui post eum regni regimen susceperit, hoc idem
nomine suo tenebitur adimplere. In premissorum igitur omnium robur &
euidentiam pleniorem, una cum Sigillis Nobilium Dominorum Erici Sueorum
& Waldemari Finlandie diuina providentia Ducum, ac aliorum discretorum
de consilio ipsius Domini nostri Regis Sweorum illustris, Sigillum nostrum
presentibus est appensum. Datum Alsnn Anno Domini Millesimo CCC. III.
quarto Kal. Augusti.
<< prev. page << föreg. sida << >> nästa sida >> next page >>
