Full resolution (JPEG)
- On this page / på denna sida
- Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
8. 1318 d. 29 Augusti.
Biskop Israel Erlandssons Bref, rörande den af Biskop Carl stiftade Canik-præbenda
i Westerås Domkyrka, i hvilket andelar i Kopparberget och Tionde af Leksand
omnämnas.
P. N. H. p. 37.
Omnibus presentes literas inspecturis Frater Israel Divina miseracione
Arosiensis Episcopus, salutem in Domino sempiternam. Quia in nostra
nostrique Capituli presencia Dominus Tidemannus Canonicus noster sepius
proposuit & constanter asseruit, possessiones quasdam & bona prebende sue, per
venerabilem patrem Dominum Karolum Predecessorem nostrum fundate,
alienata fuisse per dominum Petrum Successorem dilecti Domini K. quæ
Successores dicti Canonici per decursa tempora pacifice possederant & quiete.
Alienavit enim curiam in Fröslundum cum molendinis & omnibus pertinentiis
ejusdem curie, tam mobilibus quam immobilibus. Cum novem oris terre in
Haslubeck, permutationem quandam cum nepote suo Nicolao Christineson
faciens, tradendo dicto Nicolao predicta bona, pro medietate quartæ partis
montis cupri, quam mensæ Episcopali applicuit & subjecit, restitutionem seu
recompensationem semper promittens Canonico, quam antequam viam
universe carnis ingressus est, non valuit ut voluit adimplere: quedam eciam
alia bona ad prebendam spectancia, idem Episcopus sibi retinuit, scilicet
quartam partem silve in Fuldyrin & septem solidos terre in ödhnesteen &
unum pratum dictum Galtategh, de quo annuatim recepit octoginta plaustra
feni, restitutionem, ut premittitur, minime faciens, ut promisit: Memoratus
Canonicus Nos de restitutione predictorum bonorum crebro sollicitans, sibi
a Nobis de premissis justiciam instanter fieri postulavit. Nos igitur post
crebras ipsius querulationes, diligenti & sufficienti cum capitulo nostro
inquisicione super hoc prehabita, invenimus pro dicte prebende bonis quamvis
minus juste oblatis, restitucionem seu recompensacionem aliqualem factam
non fuisse, qua propter cum sibi teneamur paterna provicione consulere, ne
sibi in suo jure deesse videamur, de consensu nostri Capituli, curiam in
Svalstadhum prope Nyköpungh, quam germanus meus Dominus Johannes
Angelus ecclesie nostre Cathedrali pro remedio anime sue reliquit & contulit, cum
una lesta annone de decima nostra in Leksand in recompensacionem
æquivalencium bonorum predictorum dicto Canonico decrevimus faciendam & in
perpetuum curamus assignare, salvo jure tam nostri Successoris, quam
Successoris Canonici, qui pro tempore fuerit, si super his post dies nostros
quicquam duxerint ordinandum. Ut autem hæc robur firmitatis obtineant,
petimus sigillum Venerabilis Patris Domini Archiepiscopi Upsaliensis hic
<< prev. page << föreg. sida << >> nästa sida >> next page >>
Project Runeberg, Sat Dec 9 20:06:54 2023
(aronsson)
(diff)
(history)
(download)
<< Previous
Next >>
https://runeberg.org/diplodalek/1/0020.html
