Full resolution (TIFF) - On this page / på denna sida - I. N. J. Oratio, habita in Conventu Synodali Aboæ d. 15 Sept. 1775
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
inflammatur. Huc facit quotidiana eaque accuratissima
conscientiæ excussio, conjuncta cum seria super deprehensis nævis
poenitentia, et renovato indies proposito, cautius incedendi.
Senecæ exemplum, si non multis Christianis veternum
excutere valet, certe ruborem exprimere potest: Utor, ait, hac
potestate, et quotidie apud me caussam dico. Cum
sublatum e conspectu lumen est, totum diem mecum
scrutor, facta ac dicta mea remetior. Nihil mihi ipse
jam abscondo, nihil transeo; quare enim quidquam ex
erroribus meis timeam, cum possim dicere: vide, ne
istud amplius facias, nunc tibi ignosco (Libr. II de Ira,
Cap. 36). Ad conscientiæ scrutinium accedat oportet quotidianum
fidei exercitium, ut sæpius excitetur memoria Servatoris pro
nobis crucifixi, et illius cruenta acerbissimaque mors, pretium
illud redemtionis pro toto mundo inæstimabile, fideli mente
inter peccata nostra et justam Dei iram objiciatur. Addendæ
piæ ad Deum preces et devota suspiria.
Ultima vero hæc, quæ vel orbi integro, vel Ecclesiæ, vel
cuique homini, impendent fata, breviter et nervose exposuit
Admodum Reverendus Dn. Præpositus et Pastor Nicolaus
Hedén, inde a juvenilibus annis fautor et amicus noster,
præsenti synodali disputatione, quæ jam Venerandi Cleri
Dioecesani amico examini erit subjicienda.
Cum autem mihi, ex antiqua consvetudine, sermone
aliquo aperiendus sit præsens actus, non deessent in amplissima
materia de Novissimis dicendi argumenta Lubet vero ab his
extremis regredi ad ipsa initia Christianismi in
Septentrione, et paucis simplicique oratione exprimere ortum et
plantationem Ecclesiæ primo Pontificiæ deinde
Lutheranæ in Finnia, atque deinceps de primis S:æ
versionibus Finnicis, antiquissimisque libris Ecclesiasticis
illa lingua exaratis, brevissimis agere. Fiet vero hoc, ne
Observata qualiacunque mea in hac parte Antiquitatis
Ecclesiasticæ nostræ, quibus conquirendis non sine voluptate horas
nonnullas concessi, quod fatum sæpius experiuntur ejusmodi
collectiones, absque usu omni pereant, utque quisquam alius
ad idem stadium felicius decurrendum excitetur. Vestram
interim, Auditores O. O. Honoratissimi mihi polliceor
patientiam et benignitatem.
<< prev. page << föreg. sida << >> nästa sida >> next page >>
