Full resolution (TIFF) - On this page / på denna sida - I. N. J. Oratio, habita in Conventu Synodali Aboæ d. 15 Sept. 1775
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Agricolam Torsbium appellat. Rediit ille Witteberga cum
litteris Luheri ad Regem Gustavum commendatitiis, quibuscum,
licet annis juvenem, eruditione tamen et vita maturum adeoque
aptissimum Ecclesiæ testatur. Constitutus mox est Aboënsis
Ludimoderator, deinde Episcopi coadjutor, et demum, ceu jam
indicavimus, ejus successor. Redux e legatione Muscovitica
anno istius seculi 57 obdormivit.
Supersunt litteræ Agricolæ hujus ad Superintendentem
Georgium Normannum, datæ d. 11 Decembr. 1543 quibus
efflagitat ut suo consilio Regem permoveat non modo ad
permittendam Novi Testamenti Finnici editionem, sed etiam
ad concedendos alicujus mediocris Præbendæ Aboæ vacantis
reditus, ad opus hoc tam pium et neccssarium promovendum.
Queritur deinde de permolesta sua provincia, qua pueros,
indomita ista animalia, ad aliquam bonam eruditionis frugem
perducere tenebatur. Bonam etiam juventutis partem, quæ in
litteris aliquantum profecit, nunc animum a musis abalienasse
perhibet, propter incertum quendam rumorem, quasi
ministrorum ecclesiæ reditus essent nimis circumcidendi, neque honos
ullus bonis artibus virisque piis relinquendus. An nova aliqua
huic operi edendo subsidia acceperit ignoro; id invenio,
sortem ejus jam antea fuisse satis lautam. Nam præter salarium
Rectoris Scholæ possedit reditus non S:ti Laurentii modo,
sed etiam S:ti Bartholomæi altaris præbendarum, et insuper
alia aliqua ad præbendas non spectantia stipendia.
Anno 1549 ex eadem officina, curante nostro Agricola,
prodiit Finnice historia passionis, resurrectionis et ascensionis
in cælum Servatoris nostri, e quatuor Evangelistis collecta;
et 1551 lucem vidit Psalterium Davidis Finnicum. Refert in
„chronico suo Episcoporum" Justen, eos fuisse primos hujus
versionis natales, quod is, qui tum Rectoratu Aboënsi
fungebatur, scholasticis pro exercendo stilo interdum exhibuerit
Psalmos Davidicos, in Finnicam linguam transferendos, quam
versionem ipse postea adjuvit et correxit, et Agricola quoque,
antequam ederetur, sine dubio emendavit. Sequitur hæc
translatio Lutheri et Svecanam versionem. Præter præfamen de
Psalterii indole et usu, adest aliud Agricolæ runis Finnicis
consignatum, quo hortatur et doctores et auditores ad
diligentem Psalmorum lectionem, et deinde miserrimum hujus
<< prev. page << föreg. sida << >> nästa sida >> next page >>
