Full resolution (TIFF) - On this page / på denna sida - I. N. J. Oratio, habita in Conventu Synodali Aboæ d. 15 Sept. 1775
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
oeconomicæ, quam miscellaneæ observationes, partim Latina, partim
etjat Finnica lingua. Has sequitur præfatio auctoris.
Agricola vero noster, cujus reliqua conamina strenuum purioris
doctrinæ vindicem et promotorem exhibent, heic in devia
varia rapitur, et suo ostendit exemplo, quam difficulter
errores cum materno lacte haustos exuere queamus. Occurrunt
in hoc libro primo preces e Scriptura S. depromtæ, deinde
Collectæ diebus dominicis et festis, porro in variorum
sanctorum et martyrum anniversariis, ut: in die passionis B.
Henrici, Episcopi et martyris, de S:tis virginibus Agatha,
Dorothea et Scholastica et ita porro. Cum tamen hæ preces
non ad sanctos hos, sed ad Deum ipsum sint directæ, nihil
magnopere taxandum in iis reperitur. Sed pag. 161 preces
ad angelos funduntur, ut nos custodiant. Paulo post Divi
Nicolai die, petuntur Spiritus S. dona, ad vitam ita
componendam, ut purgatorii ignem evitare queamus, „ette me
kirastulen kivosta päsisim". Excipiunt precationes pro diversis
statibus et in variis casibus, atque demum sub absolutione et S.
Coenæ usu. Oratio sub elevatione Sacramenti clauditur illo
voto, ut Deus nostra, consanguineorum et omnium credentium
tam vivorum, quam mortuorum peccata remittat: „caikein
minun vanhembani, veljeni ja sisarteni, ja myös caikein uscolisten,
eleveten ja collutten, laupialisesta anna caiki synnit
andexi". In alia precatione dicitur corpus sanctissimi
Servatoris e cælo descendisse. Adhuc in ecclesiis nostris usitatas
gratiarum actiones post usum 8 Synaxeos excipit alia, satis
Capernaitica, et qua precatur, ut ne minimum quidem peccati
vestigium in corde remaneat. Inusitata etiam est petitio in
oratione tempore belli, ut Deus terrorem panicum, „sen
pelghon, quin he panicum cutzuvat", hostibus immittat. In libro
precatorio Johannis Petri mox citando, qui aliquas Agricolæ
orationes retinuit, hic locus ita est mutatus: „Anna heiden
päällens tulla äckillinen pelco".
Mag. Jacobus Finno, Rector et postea Pastor Aboënsis,
vir magnorum in ecclesiam et rem Scholasticam patriam
meritorum, perhibetur quoque edidisse librum precum, quem
quidem oculis usurpare mihi non contigit, cujus tamen
breviarium antiquis libri Psalmorum editionibus Finnicis annectitur.
<< prev. page << föreg. sida << >> nästa sida >> next page >>
