Full resolution (TIFF) - On this page / på denna sida - I. N. J. Oratio, habita in Conventu Synodali Aboæ d. 15 Sept. 1775
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Idem fit cum quæstionibus ejus, præparationi ad usum S.
Coenæ accommodatis.
A Johanne Petri Finnone etjam possidemus librum
precatorium, impressum Holmiæ 1615 apud Christophorum
Reusner. Titulus indicat, hane esse secundam, auetam et
emendatam editionem, et Schefferus in Svecia Literata meminit
tertiæ, Aboæ 1669 vulgatæ. Sed neque antiquiorem illam
neque hanc videre licuit.
Prolixiorem Catecheseos Lutheri explicationem a se
consignatam Episcopus Aboënsis Ericus Erici 1614 in 8:vo edi
curavit. Et breviarium ejus, usui incipientium, sæpius est
recusum, libroque Psalmorum, appendicis instar, junctum.
Idem Postillam Finnicam conscripsit, editam Holmiæ
duobus tomis in 4:o [1621—]1625 piis et ad captum simpliciorum
comparatis meditationibus constantem. Magnam vero in
naturæ cognitione non prodidit Ericus noster peritiam, quæ nec
illa ætate exspectari potuit, dum in explicatione Evangelii
D:ca 2:da Adventus ut indubia signa instantis extremi judicii
et finis universi venditantur sæpius contingentes Ecclipses
Solis et Lunæ, cometæ, et nova stella detecta A:o 1572,
cruces, gladii, virgæ, feretra, dimicantes exercitus in nubibus
apparentes; bellum quoque, pestis, fames, vehementiores
tempestates atque diluvia, et ita porro. Sequuntur deinde alia
adventantis excidii mundani indicia in Finnia collecta, a
mutationibus nimirum solidi et fluidi in superficie terræ, quod
variis in locis ingentes fluvii et catarractæ jam occupent spatia
antea arida, quodque ex adverso prata et pascua reperiantur
in locis haud ita pridem aquis obtectis. Hoc paucissimis
tantum verbis attingit; sed optandum fuisset, ut pleniorem
reliquisset nobis de his mutationibus historiam.
Sed properamus ad hymnos nostros veteres
Ecclesiasticos considerandos. Auctor quidem est Schefferus, neque hac
in parte desiderari Agricolæ diligentiam, sed eum quoque
cantiones ecclesiasticas in linguam Finnicam transfudisse;
deinde Mag. Jacobum Finnonem in eodem stadio desudasse,
et hymnos illos ita auxisse, ut deinde, cum aliis scriptis ad
pietatem promovendam idoneis, multis iteratisque vicibus
variis formis prodierint. Si vero prima aliqua et originalis
horum carminum ab Agricola et Mag. Jacobo consignatorum
<< prev. page << föreg. sida << >> nästa sida >> next page >>
